Ազնավուրի ներկայությունը` «Քեզ համար, Ազնավուր» խորագրով համերգին

June 2nd, 2017
by
under Հայերեն հոդվածներ.
No Comments.

Ավելորդ է ասել, թե որքան անհամբերությամբ էին սպասել այս համերգին` աշխարհահռչակ շանսոնյեի երկրպագուները: Ասել է թե` ամեն մի հայ. նաև նրանք, ովքեր այս երեկո Ալ. Սպենդիարյանի անվան օպերայի և բալետի ազգային ակադեմիական թատրոնում անձամբ չէին վայելում մեր ազգային հպարտություն Շառլ Ազնավուրի ներկայությունը` «Քեզ համար, Ազնավուր» խորագրով համերգում: Համերգին ներկա էին նաև ՀՀ նախագահ Սերժ Սարգսյանը և առաջին տիկին Ռիտա Սարգսյանը:

Ինչպես ՀՀ մշակույթի նախարար Արմեն Ամիրյանն է նշել` հիրավի բացառիկ էր համերգային ծրագիրը. Ազնավուրի երգերը հնչում էին հայ երգիչների կատարմամբ` Հայաստանի ֆիլհարմոնիկ նվագախմբի նվագակցությամբ: Եթե հակիրճ` ապա Օպերային թատրոնում այս երեկոն երգարվեստի հրավառություն էր, տոն, որի պարգևած վայելքը դեռ երկար ջերմացելու է ներկաների հոգիները:

Համերգի ծրագիրն ինքնին խոսուն էր. 1988-ի աղետից հետո փլատակների մեջ կենդանության նշաններ որոնող հայաստանաբնակների նաև հոգիներն էին ավերակվում, երբ հանց հույսի մի շող ճառագեց Ազնավուրի «Քեզ համար, Հայաստան» երգը: Ու հիմա ծրագրի կազմակերպիչներն այդ ձոն-մաղթանքի ոգով մեր ժողովրդի երախտագիտությունն էին հղում ազգիս արժանի զավակին` նրա ծննդյան տոնի առիթով: Ասվածի վկայություններից մեկն էլ համերգի ավարտին բոլոր ներկաների ձայներով հնչած «Քեզ համար, Հայաստան» երգի կատարումն էր` բազում մաղթանքների, օրհնության և շնորհակալական խոսքերի փոխարեն:

Բեմահարթակից հնչում էին Շառլ Ազնավուրի երգերը, որոնց ներքո առնվազն երկու-երեք սերնդի գեղագիտական ճաշակն է հղկվել: Իսկ կատարողներին պատասխանատվությունից զատ նաև օրինական հպարտության և ազնավուրյան մեղեդին անսխալ հնչեցնելու երկչոտությունն էր համակել:  Պերճ Թուրաբյան,  Արման Նշանյան,   Արամո, Գոռ Սուջյան, Էմմա Պետրոսյան,  Տիգրան Պետրոսյան, Անդրե… Բոլորի անունները չես թվարկի: Ու, երևի, դա էական էլ չէ: Կարևորը այն մթնոլորտն էր, որ նաև իրենց` կատարողների շնորհիվ էր թանձրացել` որպես մաքրամաքուր երգարվեստի շքահանդես:

***

Ալեքսանդր Սպենդիարյանի անվան Օպերայի եւ բալետի ազգային ակադեմիական թատրոնի բեմում, Հայաստանի ազգային ֆիլհարմոնիկ նվագախմբի եւ էստրադային  ու օպերային երգիչների մասնակցությամբ հունիսի 1-ին տեղի ունեցավ աշխարհահռչակ շանսոնյե` Շառլ Ազնավուրին նվիրված համերգ:

Անվանի ֆրանսահայի երգերը ներկայացվեցին նոր մեկնաբանություններով: Համերգի զարդը, անկասկած, Հայաստանի ազգային ֆիլհարմոնիկ նվագախումբն էր ու մասնավորապես` դաշնակահար Կարեն Անանյանը:

Ազնավուրի երգերի նվագակցությունը Ֆիլհարմոնիկի կողմից կատարվեց աշխարհի լավագույն բեմերին արժանի մակարդակով: Դասական երաժիշտներով համալրված կոլեկտիվը գրեթե անթերի էր ջազ-էստրադային ոճում:

Համերգի ընթացքում հեռուստակամուրջ էր ստեղծվել Փարիզի հետ, իհարկե` ոչ ուղիղ: Մեծ էկրանից Ազնավուրին ողջունում էին նրա ընկերները, շնորհավորում ծննդյան օրվա առթիվ:

Բարձր մակարդակով հանդես եկան Սոնա Ռուբենյանը, Մաշա Մնջոյանը, օպերային արտիստներ Գուրգեն Բավեյանը, Արծվիկ Դեմուրճյանը, Սյուզի Մելքոնյանը, Նարինե Անանիկյանը, Ռեբեկա Դեմիրկյանը:

Երգերի մի մասը կատարվեց հայերեն՝ Պերճ Թուրաբյանի թարգմանությամբ:

Բեմում միակ «ֆրանսիացին» արտիստ Հայկ Պետրոսյանն էր, որին հանդիսատեսը ողողեց ծափահարություններով։ Այս համերգից հետո, կարելի է ասել, որ երբ Հայկը բեմում է, դերասան Վարդան Պետրոսյանի որդին լինելու հանգամանքն այլեւս միջնորդ չէ նրա ու հանդիսատեսի միջեւ։

Երիտասարդ արտիստը պարզապես փայլեց իր հումորով, Ազնավուրին նմանակելու տաղանդով։ Արտաքին գործերի նախարար Էդվարդ Նալբանդյանը նստած էր Ազնավուրի հարեւանությամբ եւ շանսոնյեի համար թարգմանում էր Հայկի խոսքերը:

Բարձրաստիճան պաշտոնատար այրերի՝ Սերժ Սարգսյանի, Գարեգին Բ կաթողիկոսի, ԱԺ նախագահ Արա Բաբլոյանի, ի վերջո՝ անվանի հռչակավոր շանսոնյեի ներկայությունը չկաշկանդեց Պետրոսյանին։ Բեմում նա էր գլխավորը։ Ավելին, մի պահ համերգը ձգվեց Պետրոսյան ընտանիքի հեղինակային երեկոյի նման․ մեծ էկրանին ցուցադրվեց երկու տեսանյութ Փարիզից: Մեկում` Վարդան Պետրոսյանը կիթառով կատարում էր Ազնավուրի երգերից մեկը, իսկ երկրորդում` հոր եւ որդու զուգերգն էր։

Համերգի ավարտին հանդիսատեսը շատ երկար ծափահարեց 93-ամյա Ազնավուրին, իսկ նա ամֆիթատրոնից օդի մեջ սրտեր էր պատկերում եւ ուղարկում դեպի հանդիսատեսը:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Ֆենոմեններին էլ են «հրում» դեպի «Պառնաս»

May 19th, 2017
by
under Հայերեն հոդվածներ.
No Comments.

Դիրիժոր Էդուարդ Թոփչյանն էլ իր հերթին է շնորհալիների առաջ «կանաչ լույս» վառել Միջազգային մամուլի բնորոշմամբ «Ռուսական դաշնամուրային դպրոցի նորագույն ֆենոմեն», 15-ամյա դաշնակահար Ալեքսանդր Մալոֆեեւը (լուսանկարում) «Արամ Խաչատրյան» համերգասրահում մայիսի 19-ին Հայաստանի ազգային ֆիլհարմոնիկ նվագախմբի (ՀԱՖՆ) ընկերակցությամբ, դիրիժոր Էդուարդ Թոփչյանի ղեկավարությամբ հանդես կգա Պրոկոֆեւի 3-րդ կոնցերտի մեկնաբանմամբ:

Օրեր առաջ առաջին անգամ Երեւանում հանդես եկող դաշնակահարի հայտագիրը իրարանցում է առաջացրել երաժիշտների եւ երաժշտասերների շրջանում: «Առավոտի» հետ զրույցում ՀԱՖՆ-ի գեղարվեստական ղեկավար եւ գլխավոր դիրիժոր Էդ. Թոփչյանն ասաց, որ երիտասարդ արվեստագետի հետ առաջին անգամ ծանոթացել է եւ բեմ բարձրացել շուրջ 10 օր առաջ՝ Իտալիայում կայացած հեղինակավոր «International Piano Festival of Brescia and Bergamo»-ում եւ չնայած երիտասարդի հագեցած համերգային գրաֆիկին, իրեն հաջողվել է իրականացնել նրա հրավերը Հայաստան:

«Գործունեությանս ընթացքում շատ եմ հանդիպել ու համագործակցել տաղանդավոր, շնորհալի պատանի երաժիշտների հետ, բայց ռուս դաշնակահարը իսկապես բացառիկ երեւույթ է: Ծանոթ եմ նրա ստեղծագործական գործունեությանը, բայց երկար ժամանակ կպահանջվի նշելու նրա մասնակցությունը շուրջ 15 միջազգային մրցույթներին, ելույթները աշխարհի ամենահեղինակավոր համերգասրահներում ու փառատոներում՝ հայտնի նվագախմբերի հետ: Միայն ասեմ, որ երիտասարդը համագործակցել է Գերգիեւի, Սպիվակովի, Պարրայի, Լիսսի, Կոչանովսկու, Յամադայի, Տակաչ-Նագիի եւ այլ հանրահայտ դիրիժորների հետ: 2016թ. Master Performers ընկերությունը թողարկել է Մալոֆեեւի առաջին DVD ձայնագրությունը՝ կատարված Ավստրալիայի Griffith University Queensland Conservatorium-ում»,- տեղեկացրեց Էդուարդ Թոփչյանը:

Մեր հանդիսատեսը բազմիցս ունկնդրել է տաղանդավոր պատանի երաժիշտների, այդ թվում՝ Սպիվակովի հիմնադրամի հայաստանյան մասնաճյուղի կրթաթոշակառուներին կամ՝ «Նոր անուններ» պատանի երաժիշտ կատարողների մրցույթի մասնակիցներին, սակայն ռուս պատանի դաշնակահարի անվան շուրջ լեգենդներ են հյուսվում: Դիրիժորից հետաքրքրվեցինք՝ թեեւ արվեստում համեմատություններ եւ զուգահեռներ անցկացնելը ճիշտ չէ, այնուամենայնիվ, իր կարծիքով, ո՞ր երաժշտի հետ կհամեմատեր Ալեքսանդր Մալոֆեեւին: Մեր զրուցակցի պատասխանը հակիրճ էր՝ «Միայն Եվգենի Կիսինի հետ»: Ֆենոմենը՝ ֆենոմեն, տաղանդը՝ տաղանդ, բայց արդեն շշուկներ են պտտվում, որ Մալոֆեեւի ստեղծագործական «կնքահայրերը» Սպիվակովն ու Գերգիեւն են: Էդուարդ Թոփչյանից հետաքրքրվեցինք՝ իսկ ինքը ունի՞ այդպիսի «սանիկ»: «Առաջին քայլերը նվագախմբիս հետ են սկսել վաղուց արդեն հեղինակավոր թատրոնների ու նվագախմբերի ցանկալի հյուրեր, օպերային երգիչներ Հովհաննես Այվազյանը, Լիպարիտ Ավետիսյանը, Դավիթ Բաբայանցը, Հասմիկ Թորոսյանը, ջութակահար Անուշ Նիկողոսյանը եւ ուրիշներ»,- հավաստիացրեց դիրիժորը:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

«Եվրոպան հանուն խաղաղության». կայացավ Եվրոպայի օրվան նվիրված համերգը

May 7th, 2017
by
under Հայերեն հոդվածներ.
No Comments.

Հայաստանի ազգային ֆիլհարմոնիկ նվագախումբը (դիրիժոր՝ Էդուարդ Թոփչյան) եւ Հայաստանում Եվրամիության պատվիրակությունը «Արամ Խաչատրյան» համերգասրահում ներկայացրին Եվրոպայի օրվան նվիրված համերգ:

Համերգին ներկա էին ՀՀ-ում ԵՄ պատվիրակության ղեկավար, դեսպան Պյոտր Սվիտալսկին, ՀՀ արտաքին գործերի  նախարար Էդվարդ Նալբանդյանը եւ այլ պաշտոնյաներ:

ՀՀ ԱԳ նախարար Էդվարդ Նալբանդյանը հանդես եկավ ելույթով եւ շնորհավորեց Եվրոպայի օրվա կապակցությամբ, ինչպես նաեւ տոնական համերգի կազմակերպման համար շնորհակալություն հայտնեց Հայաստանում ԵՄ պատվիրակությանը:

«Անկախությունից ի վեր Հայաստանը ԵՄ-ի հետ կառուցել է կուռ հարաբերություններ, որոնց հիմքում ընկած են արդյունավետ համագործակցությունը եւ փոխադարձ հարգանքը միմյանց նկատմամբ: Եվրամիության աջակցությամբ մենք բարեփոխումներ ենք իրականացրել բազմաթիվ ոլորտներում՝ հանրային կառավարում, արդարադատություն, ընտրական համակարգ եւ մի շարք այլ ոլորտներում, որոնք միտված են հարաբերությունների ամրապնդմանն ու մեր հասարակության բարօրությանը: Շատ համատեղ ծրագրեր իրականացման փուլում են, բազմաթիվ նախագծեր դեռ իրագործվելու են: Հատկանշական է, որ այս տարի սկսվեց եվրոպական հագեցած օրակարգը: Փետրվարին Բրյուսելում ՀՀ նախագահը եւ Եվրոպական խորհրդի նախագահը հայտարարեցին Հայաստան-ԵՄ համապարփակ եւ ընդլայնված գործընկերության մասին համաձայնագրի շուրջ բանակցությունների ավարտի մասին, իսկ արդեն մարտին այն Երեւանում նախաստորագրվեց: Այդ համաձայնագիրը Հայաստանի եւ ԵՄ-ի համագործակցության գոյությունն ու էությունը արտացոլող փաստաթուղթ է: Առաջիկա օրերին կհաստատվեն նաեւ Հայաստանի եւ ԵՄ-ի միջեւ 2017 եւ 2020 թվականների գործընկերության առաջնահերթությունները, որոնք համագործակցության նոր ուղենիշ են սահմանելու: Երկրորդ համաշխարհային պատերազմում նացիզմի դեմ տարած հաղթանակով Եվրոպան դարձավ համամարդկային արժեքների վրա խարսխված խաղաղության, համերաշխության եւ կայուն զարգացման չափանիշ, որն այսօր էլ շատերի համար շարունակում է օրինակ ծառայել: Եվրոպայի օրը հենց այս բարձր արժեքային համակարգն է խոհրդանշում, որին մենք հարգանքի յուրօրինակ տուրք ենք մատուցում՝ տոնելով այս օրը»,- նշեց ՀՀ ԱԳ նախարարը:

ՀՀ-ում ԵՄ պատվիրակության ղեկավար, դեսպան Պյոտր Սվիտալսկին եւս հանդես եկավ ողջույնի խոսքով. «Սիրելի՛ հայեր, Հայաստանի սիրելի ընկերներ, շնորհակալ ենք Եվրոպայի օրվան նվիրված տոնակատարությանը մեզ միանալու համար: Եվրոպայի օրը խաղաղության, անկախության, համերաշխության եւ ազատության մասին է: Այն միասնական տոն է: ԵՄ-ն կշարունակի իր գործունեությունը Հայաստանում եւ կաշխատի՝ ի շահ հայ ժողովրդի: Շնորհակալ ենք այս հրաշալի համերգը կազմակերպելու համար»:

Նշենք, որ համերգից առաջ դեսպանն առանձնազրույց է ունեցել լրագրողների հետ՝ պատասխանելով նրանց հարցերին: Դեսպանը մասնավորապես նշեց, որ Եվրոպայի դեմքն այսօր ասոցացվում է շատ լավ զգացողությունների հետ, մասնավորապես՝ համերաշխության, բարգավաճման, խաղաղության եւ այլ դրական արժեքների: Եվրոպայում քաղաքացիները կարող են օգտվել սոցիալական լավ պայմաններից եւ բարձր կենսաթոշակներից: Սակայն ամենակարեւոր արժեքը, որի հետ ասոցացվում է ԵՄ-ն, խաղաղությունն է, ուստի կարելի է ասել, որ եվրոպական երկրներն այսօր դադարել են պատերազմներ մղել միմյանց դեմ, իսկ դա ի շնորհիվ ԵՄ-ի է:

«Հայաստանի համար ուժեղ եւ գործող ԵՄ-ն առավելություն է: 2017 թվականը իրադարձություններով լի տարի է ԵՄ-ի եւ Հայաստանի համագործակցության համար»,- փաստեց դեսպանը:

Նշենք, որ համերգի ընթացքում հնչեցին Կարլ Մարիա Վեբերի, Պոլ Դյուկայի, Դվորժակի, Վոյցեխ Կիլարի, Արամ Խաչատրյանի, Ալեքսանդր Հարությունյանի, Ռոբերտ Պետրոսյանի ստեղծագործություններից:

Համերգին զուգահեռ՝ «Արամ Խաչատրյան» համերգասրահի նախասրահում բացվեց «Եվրոպան հանուն խաղաղության» խորագիրը կրող ցուցահանդեսը: ՀՀ տարբեր մարզերի դպրոցների աշակերտները ստեղծել էին գեղանկարներ՝ պատկերելով ԵՄ մայրաքաղաքներ, բնապատկերներ եւ առհասարակ այն, ինչը, ըստ նրանց, ասոցացվում է Եվրոպայի եւ խաղաղության հետ: ԵՄ պատվիրակության աշխատակիցներից, Հայաստանի ազգային ֆիլհարմոնիկ  նվագախմբի ներկայացուցիչներից եւ Հայաստանի արվեստի փորձագետներից կազմված ոչ պաշտոնական ժյուրին ընտրել է Հայաստանի 98 գեղարվեստի դպրոցների կողմից ներկայացված գեղանկարներից լավագույնները: Համերգի ողջ ընթացքում գեղանկարները հանդիսատեսին ներկայացվեցին էկրանի վրա: Ցուցահանդեսը բաց կլինի եւս 3 օր:

VN:F [1.9.20_1166]
Rating: 0.0/5 (0 votes cast)
VN:F [1.9.20_1166]
Rating: 0 (from 0 votes)

spacer

Նարեկ և Գայանե Հախնազարյանները հանդես կգան բարեգործական համերգով

May 1st, 2017
by
under Հայերեն հոդվածներ.
No Comments.

Մայիսի 5-ին Արամ Խաչատրյան համերգասրահում տեղի կունենա թավջութակահար Նարեկ Հախնազարյանի և դաշնակահար Գայանե Հախնազարյանի մենահամերգը։ Համերգի հասույթը կփոխանցվի Կոշի մանկական վերականգնողական կենտրոնին։

Համերգին ներկայացվելու է համաշխարհային պրեմիերա՝ Հայրապետյանի «Մենախոսություն» ստեղծագործությունը: Բարեգործական համերգի ծրագրում ներառված են նաև Բեթհովենի  «7 վարիացիաներ Մոցարտի թեմայով», Շումանի ֆանտաստիկական պիեսներ, Բաղդասարյանի  «Նոկտյուրն», Շոպենի «Նախանվագ և փայլուն պոլոնեզ», Մասնեի «Մտորում»,
Շոստակովիչի «Թավջութակի սոնատ» ստեղծագործությունները:

Կոշի մանկական վերականգնողական և ցերեկային խնամքի կենտրոնը հիմնադրվել է 2013 թ. հայազգի բարերար Ռազմիկ Թադևոսյանի կողմից: Այն իր ծառայություններն է տրամադրում ինչպես Արագածոտնի մարզի, այնպես էլ կենտրոնի հարակից 16 գյուղերից և քաղաքներից (մասնավորվերականգնման, մտավոր ունակությունների զարգացման, շրջապատող միջավայրում ադապտացման, հնարավորությունների առավելագույն մակարդակով դրսևորման, ինքնուրույնության ձեռքբերման ու ամրապնդման համար:ապես Արթիկից, Էջմիածնից, Թալինից, Աշտարակից և Գյումրիից) ժամանած հաշմանդամություն ունեցող այն երեխաներին, ովքեր իրենց առողջական լուրջ խնդիրների հետևանքով դուրս են մնացել կրթական կամ նախադպրոցական հաստատություններում ընդգրկվելու գործընթացից: Կենտրոնում աշխատում են բարձրակարգ և փորձառու մասնագետներ, ովքեր ջանք չեն խնայում երեխաների ֆիզիկական կարողությունների վերականգնման, մտավոր ունակությունների զարգացման, շրջապատող միջավայրում ադապտացման, հնարավորությունների առավելագույն մակարդակով դրսևորման, ինքնուրույնության ձեռքբերման ու ամրապնդման համար:

VN:F [1.9.20_1166]
Rating: 0.0/5 (0 votes cast)
VN:F [1.9.20_1166]
Rating: 0 (from 0 votes)

spacer

«Երդվում եմ քեզ, իմ երկիր». համերգ` ի խոնարհում ապրիլյան քառօրյա պատերազմի հերոսներին

April 10th, 2017
by
under Հայերեն հոդվածներ.
No Comments.

Հայաստանի ազգային ֆիլհարմոնիկ նվագախմբի, կոմպոզիտոր Ռոբերտ Ամիրխանյանի նախաձեռնությամբ և ՀՀ մշակույթի նախարարության աջակցությամբ ապրիլի 10-ին Արամ Խաչատրյան համերգասրահում տեղի ունեցավ «Երդվում եմ քեզ, իմ երկիր» խորագրով բարեգործական համերգը` ի խոնարհումն ապրիլյան պատերազմի բոլոր հերոսներին: Համերգի մասին ապրիլի 8-ին լրագրողների հետ հանդիպմանը խոսեցին ծրագրի նախաձեռնողները:

«Նման համերգ ես դեռ չեմ անցկացրել: Այս ծրագրում ներկայացնելու ենք ժողովրդի գրկի մեջ ապրող մարդու խոսքը:  Հնչելու են երգեր, որոնք հատուկ գրվել են այս ծրագրում հնչեցնելու համար»,- Արմենպրեսի հաղորդմամբ` նշեց կոմպոզիտոր Ռոբերտ Ամիրխանյանը:

Ըստ նրա` կյանքի շարժման մեխանիզմը հետևյալն է. «Եթե դու ունես գաղափար և մեծ ոգևորությամբ ցանկանում ես իրագործել այն, քեզ ոչ ոք չի կարող կանգնեցնել: Այս համերգը նման գաղափարի արդյունք կլինի, որի շուրջ մենք համախմբվել ու մի բռունցք ենք դարձել»:

Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանն ասաց, որ ուրախ է ծրագրի մի մասը լինել և շնորհակալ է բոլոր մասնակիցներին ու նախաձեռնողներին:   «Այսօր առաջին փորձն ենք արել, այն շատ լավ անցավ, բոլորս ոգևորված ենք ու հույս ունենք, որ մեր հերոսներին ու երկրին արժանի համերգ կիրականացնենք»,-շեշտեց նա:

Անցյալ տարի Հայաստանի ֆիլհարմոնիկ նվագախմբի և ՀՀ մշակույթի նախարարութան իրականացրած համերգներից հավաքված գումարը`   տասը միլիոն դրամ, 500 000-ական դրամով տրամադրվել է ապրիլյան պատերազմում զոհված զինվորների ընտանիքներին: Այս համերգից ստացված գումարը նույնպես նման նպատակի կծառայի:

Հնարավոր է, որ համերգային ծրագիրը բացօթյա բեմում ներկայացվի նաև Արցախում:

ՀՀ մշակույթի նախարարության աշխատակազմի ժամանակակից արվեստի վարչության պետ Արմենուհի Ղազարյանի խոսքով` երկրորդ տարին է, որ մշակույթի գործիչները համախմբվում են այսչափ կարևոր գաղափարի շուրջ և բարձրակարգ երաժշտության միջոցով ևս մեկ անգամ փորձում բարձրացնել ժողովրդի բարոյահոգեբանական  վիճակը:

Հայաստանի ֆիլհարմոնիկ նվագախմբի նվագակցությամբ, «Հովեր» պետական կամերային նվագախմբի և հայտնի օպերային ու էստրադային մեներգիչների կատարմամբ կհնչեն մաեստրո Ամիրխանյանի հայրենասիրական ստեղծագործությունները, այդ թվում հատուկ քառօրյա պատերազմի հերոսներին նվիրված «Վրեժն արդար կանչի» երգը: Երեկոն կվարի մաեստրո Ռոբերտ Ամիրխանյանը, համերգը կղեկավարի դիրիժոր Էդուարդ Թոփչյանը: Մենակատարներն են Գուրգեն Բավեյանը, Աննա Ավդալյանը, Էմմա Պետրոսյանը, Լեյլա Սարիբեկյանը, Վահե Հախվերդյանը:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Գրեմիակիր երաժիշտները ելույթ կունենան Ֆիլհարմոնիկի հետ

March 24th, 2017
by
under Հայերեն հոդվածներ.
No Comments.

2017թ-ի մարտի 26-ին կկայանա «Երեւանյան հեռանկարներ» միջազգային երաժշտական փառատոնի 18-րդ շրջանի բացումը: Մեկնարկը կտրվի լեգենդար ջութակահար, կրկնակի «Գրեմմի» մրցանակակիր Պինկաս Ցուկերմանի ելույթով: Երաժիշտը փառատոնի շրջանակներում Երեւանում հանդես է եկել «Ցուկերման Չեմբըր Փլեյրս» կամերային նվագախմբով եւ «Կամերատա Զալցբուրգ» նվագախմբի հետ: Երեւանում Պինկաս Ցուկերմանը հանդես կգա թավջութակահարուհի Ամանդա Ֆորսայթի եւ Հայաստանի ազգային ֆիլհարմոնիկ նվագախմբի հետ` դիրիժոր Էդուարդ Թոփչյանի ղեկավարությամբ, Արամ Խաչատրյան համերգասրահում: Ծրագրում` Բրամսի Կրկնակի կոնցերտն է` ջութակի եւ թավջութակի համար եւ թիվ 4 Սիմֆոնիան:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Էդուարդ Թոփչյանը` առաջիկա ծրագրերի մասին և ոչ միայն…

February 6th, 2017
by
under Հայերեն հոդվածներ.
No Comments.

Համաշխարհային դասական երաժշտության պատմությունից հայտնի են այնպիսի կոմպոզիտորների անուններ, որոնք ստեղծագործել են մի ժամանակահատվածում, երբ շատերը կասկածի տակ էին առնում սիմֆոնիկ ժանրի հեռանկարը: Ավելին՝ որոշ հեղինակների սիմֆոնիաները տասնամյակներ շարունակ սպասում էին իրենց առաջին կատարմանը: Նման կոմպոզիտորներից էր ավստրիացի Անտոն Բրուքները (19-րդ դ.), որի 4-րդ Ռոմանտիկական սիմֆոնիան հունվարի 31-ին հնչեց Էդուարդ Թոփչյանի մեկնաբանմամբ, Հայաստանի ազգային ֆիլհարմոնիկ նվագախմբի կատարմամբ, իսկ պրեմիերան կայացել է 1874թ.: Այնպես որ, երբ վերջին տարիներին աշխարհում շրջանառվում է այն միտքը, թե շոուները «խեղդել» են դասական արվեստը, գուցե բնորոշ է ոչ միայն մեր ժամանակներին: Հենց վերջին տարիներին հետեւելով հայաստանյան մշակութային կյանքին` «խեղդելը» կարող ենք պարզապես բացառել, քանի որ կոնկրետ դասական երաժշտարվեստը ոչ միայն իր մշտական լսարանն ու տեղն ունի մեզանում, այլեւ միաժամանակ անցկացվում են փառատոներ, ու հաճախ այնքան խիտ է դրանց ժամանակացույցը, որ հանդիսատեսը մեծ ընտրության առջեւ է կանգնում:

Անդրադառնալով հունվարի 31-ին կայացած համերգին` տեղեկացնենք, որ այդ երեկո դարձյալ Թոփչյանի ղեկավարությամբ, հնչեց նաեւ Բեթհովենի 2-րդ սիմֆոնիան: Երկու սիմֆոնիաները նախկինում լսել ենք Ֆիլհարմոնիկ նվագախմբի եւ նրա գեղարվեստական ղեկավարի մեկնաբանմամբ: Երբ համերգի ավարտին հանդիսատեսը, այդ թվում՝ պրոֆեսիոնալները, դուրս էին գալիս համերգասրահից, լսեցինք մեկ-երկու կարծիք: Օրինակ՝ «Թոփչյանի մեկնաբանմամբ տարբեր են նույն ստեղծագործության երկրորդ կամ նույնիսկ հազարերորդ մատուցումը…»: Այստեղ հիշեցինք դաշնակահար Սվետլանա Նավասարդյանի՝ մեզ հայտնած միտքը, թե միայն տաղանդավոր երաժշտին է տրված նույն ստեղծագործությունը ամեն անգամ նորովի մատուցել:

«Առավոտը» զրուցեց Էդուարդ Թոփչյանի հետ: Դիտարկմանը՝ ամանորյա տոներից հետո, փաստորեն, 2016-17թթ. համերգաշրջանի շարունակությունը ոչ թե այս երեկոն էր, այլ Առնո Բաբաջանյանի ծննդյան 95-ամյակին նվիրված հունվարի 25-ին կայացած համերգը, որին մասնակցում էր շուրջ 30 երգիչ, այդ թվում՝ հրավիրյալներ, դիրիժորը պատասխանեց. «Ես ու երաժիշտներս սիրով ենք համագործակցել երգիչների հետ, չէ՞ որ Բաբաջանյանը դասական կոմպոզիտոր է ու նրա երգերը դասականի ու էստրադային ժանրի հաճելի խառնուրդ են: Զարմանում ես, թե որտեղից է «վերցրել» մեծ կոմպոզիտորն այդ մեղեդիներն ու երգերի տեքստերը…»:

Մեր զրուցակցին խնդրեցինք մանրամասներ հայտնել Հայաստանում առաջին անգամ համահայկական սիմֆոնիկ նվագախումբ ստեղծելու մասին, քանի որ այն ստեղծվելու է ֆիլհարմոնիկ նվագախմբի բազայի վրա. «Մշակույթի նախարար Արմեն Ամիրյանի առաջարկն էր դա, որը ցանկություն հայտնեց համահայկական նվագախմբի կազմակերպչական մասը ղեկավարի մեր նվագախմբի տնօրեն Ռուզաննա Սիրունյանը: Կարելի է պատկերացնել, թե դա ինչ աշխատատար գործ է… Համահայկականը կղեկավարեն դիրիժորներ Սերգեյ Սմբատյանը, Կարեն Դուրգարյանը, ես եւ մեր հայրենակից, այսօր իսկապես համաշխարհային դեմք, ֆրանսաբնակ Ալան Ալթինօղլուն: Մեր հանդիսատեսը ծանոթ է Ալանին, որը ֆիլհարմոնիկը ղեկավարել է շուրջ մեկուկես տարի: Նշեմ նաեւ, որ այս դիրիժորի թեկնածությունը ես եմ առաջարկել նախարարի մոտ կայացած քննարկման ժամանակ: Ի դեպ, համահայկականի առաջին ելույթը կկայանա ապրիլի 23-ին, ծրագրում, բնականաբար, հայ կոմպոզիտորների գործեր. ներկայումս էլ նվագախմբի համար հատուկ երկ է գրում Տիգրան Մանսուրյանը: Առայժմ այսքանը»:

Կեսկատակ-կեսլուրջ հարցին՝ ասում են, թե Թոփչյանը վերջապես բարիդրացիական հարաբերություններ է հաստատել մշակույթի ա՛յս նախարարի հետ եւ ողջունում է նրա առաջին քայլերը, մեր զրուցակիցը հաստատեց ասվածը ու ընդամենը հավելեց. «Ամիրյանը լավ գիտե, թե ինչ է անում, ժամանակը ցույց կտա, ես վստահ եմ»: Մեր զրուցակիցը հավաստիացրեց, թե ընթացիկ համերգաշրջանի սկիզբը, որն ազդարարվել է սեպտեմբերին՝ ՀՀ անկախության 25-ամյակին նվիրված Երեւանյան միջազգային 10-րդ փառատոնով, եւ որի շրջանակներում Հայաստան են այցելել ճանաչված երաժիշտներ, կշարունակվի նաեւ մինչեւ համերգաշրջանի ավարտը. «Առաջիկա համերգներին հրավիրված են դաշնակահար Ալեքսեյ Վոլոդինը եւ դիրիժոր Դանիել Ռայսկին Ռուսաստանից, իտալացի դիրիժոր Պիեռ Կառլո Օրիցիոն, Ֆրանսիայից դիրիժոր Հայկ Դավթյանը, դաշնակահար Ինեկե Հելինգմանը եւ այլն:

Հիշեցնեմ, որ ֆիլհարմոնիկը իրականացնում է միջազգային ծրագրեր եւս, օրինակ՝ 2016թ. տեղի ունեցան համերգներ՝ նվիրված հայ-ճապոնական, հայ-արգենտինյան համագործակցությանը կամ մեկ երեկո նվիրեցինք Եվրոպայի օրվան, մասնակցեցինք Հայաստանում Ռուսաստանի օրերի բացման արարողությանը… Անցկացրել ենք հատուկ փառատոնային համերգ՝ նվիրված հայ ժամանակակից երաժշտությանն ու ֆիլհարմոնիկի հիմնադրման 90-ամյակին: Ունեցել ենք մի քանի պրեմիերաներ, այդ թվում՝ համաշխարհային… Հատուկ պետք է նշեմ «Զինվորիս հետ» նախագծի շրջանակներում բարեգործական համերգը: Բոլորը չես թվարկի»: Օպերասեր դիրիժորից հետաքրքրվեցինք, թե այս տարի ինչ օպերա է որոշել բեմ բարձրացնել: Էդուարդ Թոփչյանը պատասխանեց. «Դա Վերդիի «Բոկանեգրան» է, որը տարիներ առաջ ներկայացրել ենք համերգային կատարմամբ: Այժմ ցանկություն ունեմ այն իրականացնել բեմադրության տեսքով, համագործակցելով մեր Ազգային օպերային թատրոնի հետ: Միայն այս պահին կարող եմ ասել, որ նախնական պայմանավորվածություն ունեմ իտալացի երգիչ Ջանպիերո Ռուջերիի, մեր հիանալի տենոր Լիպարիտ Ավետիսյանի եւ գերմանաբնակ Հրաչուհի Բազենցի հետ»: Նվագախմբին սպասվելիք հյուրախաղերի առիթով Թոփչյանն ասաց, որ նախորդ տարիների օրինակով դրանք այս տարի էլ իհարկե կլինեն, Մշակույթի նախարարության եւ ՎիվաՍել-ՄՏՍ-ի աջակցությամբ:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Ուզում եմ, որ մարդիկ ավելի ու ավելի ուղղվեն դեպի արվեստը. Էդուարդ Թոփչյան

Sona KhachatryanJanuary 10th, 2017
by
under Հայերեն հոդվածներ.
No Comments.

2016-ը ոչ միայն Ֆիլհարմոնիկի, այլև մեր ողջ երկրի համար իրադարձություններով հագեցած տարի էր,-Culture.AM-ի հետ զրույցում նշում է Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը,-չեմ կարող առաջինը չանդրադառնալ ապրիլյան դեպքերին, որոնք ցնցեցին մեզ բոլորիս. ապրիլի 9-ին Կասկադում բացօթյա մեծ համերգ ու դրամահավաք կազմակերպեցինք՝ փորձելով մեր ուժերի ներածին չափով օգնել զոհված զինծառայողների ընտանիքներին:

Երկրի Ազգային նվագախմբի գեղարվեստական ղեկավարը տարվա իրադարձություններից առանձնացնում է հունիսին Հռոմի Ֆրանցիսկոս պապի այցելությունը Հայաստան,որի ժամանակ իր ղեկավարությամբ Հանրապետության հրապարակում տեղի ունեցած էկումենիկ արարողություն՝ Երևանյան միջազգային երաժշտական փառատոնը, որը 10-րդ անգամն էր անցկացվում ու նվիրված էր ՀՀ Անկախության 25-ամյակին:

-Թերևս ամենակարևոր իրադարձությունը ֆիլհարմոնիկցիներիս համար մեր նվագախմբի 90-ամյակին նվիրված մեծ համերգն էր: Մեզ հետ էին աշխարհի ամենամեծ հայ երաժիշտներից վեցը՝ Հասմիկ Պապյանը, Սերգեյ Խաչատրյանը, Բարսեղ Թումանյանը, Նարեկ Հախնազարյանը, Վահագն Պապյանը և Ալեքսանդր Չաուշյանը նաև բազմաթիվ բարձրաստիճան հյուրեր:

Անդրադառնալով ձեռքբերումներին՝ նվագախմբի դիրիժորը փաստում է՝ դրանք մշտապես կապված են նվագախմբի ավելի ու ավելի բարձր կատարողական որակի հասնելու հետ.

-Այդ առումով կարող եմ փաստել, որ այս տարի էլ իմ ակնկալիքներն արդարացան:  Ձեռքբերումներից ուզում եմ նշել նվագախմբի  մասնակցությունը «Սպիտակ գիշերների աստղերը» փառատոնին Սանկտ-Պետերբուրգի Մարինյան թատրոնի բեմում:ՈՒր մեկնել էինք անձամբ մաեստրո Վալերի Գերգիևի հրավերով:  Մեզ համար շատ կարևոր էին երկու օպերաների՝ Պուչինիի «Բոհեմ»-ի և Վերդիի «Ռիգոլետո»-ի թատերականացված համերգային կատարումները:

Մաեստրոն նշում է՝ նվագախմբի առանցքային ուղղություններն առաջ են եկել տասնյակ տարիներ առաջ (նվագախմբի ստեղծման օրից) և տարեցտարի պարզապես ավելի մշակվել ու ավելի նպատակային են դարձել:

-Այսինքն՝ մենք շարունակելու ենք մեր համերգները նույն հաճախականությամբ՝ փորձելով բարձրացնել ունկնդրի մշակութային և երաժշտական պատրաստվածությունն ու ճաշակը: Սա է ընկած մեր գործունեության առանցքում, սա է մեր գերնպատակը, մեր առաքելությունը: Իսկ 2017-ի հետ կապված՝ շատ նպատակներ ու սպասումներ ունենք.մի քանի հյուրախաղային ուղղություններ  դեպի Իսպանիա, Գերմանիա, Իտալիա և Չինաստան:

Խոսելով Ամանորի մասին՝ Է.Թոփչյանն անկեղծանում է՝ շատ է սիրում այս տոնը. «այն շատ լուսավոր ու դրական է: Տոնի խորհուրդը հենց այդ լուսավորության և նորի՝ ավելի լավի սպասումի մեջ եմ տեսնում»:

Մաեստրոն իր տոնական բարեմաղթանքում առաջինն առանձնացնում է խաղաղությունը.

-Ուզում եմ, որ խաղաղություն տիրի մեր երկրում՝ իր բոլոր իմաստներով ու դրսևորումներով, որ առաջին հերթին մարդկանց հոգիները լցվեն խաղաղությամբ ու բարությամբ: Ուզում եմ, որ մարդիկ ավելի ու ավելի ուղղվեն դեպի արվեստը, մասնավորապես դեպի դասական երաժշտությունը: Մենք էլ մեր գործով փորձում ենք նպաստել դրան:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

БЛЕСТЯЩЕЕ ЗАВЕРШЕНИЕ МУЗЫКАЛЬНОЙ ОСЕНИ X Ереванский международный музыкальный фестиваль

November 30th, 2016
by
under Статьи на русском.
No Comments.

Концертным исполнением оперы “Риголетто” Верди Филармонический оркестр Армении под управлением Эдуарда Топчяна в Большом зале филармонии им. А.Хачатуряна завершил свое самое важное событие сезона: X юбилейный международный фестиваль классической музыки. В концерте приняли участие заслуженный коллектив – Армянский национальный академический хор – и солисты. Режиссер-постановщик – Сукиас Торосян, ассистент дирижера – Вардуи Минасян.

МЫ ДАВНО УЖЕ ПРИВЫКЛИ К ПОРАЗИТЕЛЬНОЙ СПОСОБНОСТИ ГЛАВНОГО ДИРИЖЕРА ОРКЕСТРА ЭД. ТОПЧЯНА  совершать художественные прорывы и в оперном жанре. Его заслуга помимо чисто музыкальной части, которую он осуществляет на высоком уровне, – это умение привлечь именно тех людей, которые способны создать замечательный ансамбль. На нашей памяти концертное исполнение таких шедевров мирового оперного репертуара, как “Аида”, “Отелло”, “Риголетто” Верди, “Мадам Баттерфляй”, “Турандот”, “Тоска” Пуччини, “Паяцы” Леонкавалло, “Евгений Онегин” Чайковского и ряд других.

К “Риголетто” Э.Топчян обращается уже дважды. И это не случайно: музыка Верди полна глубокого драматизма, ярко контрастна, психологически глубока. По драматической силе, по непосредственности воздействия, по четкой ясности формы “Риголетто”, бесспорно, занимает первое место среди опер Верди. Во многих отношениях эта опера действительно осталась произведением, не превзойденным ни в одной из последующих опер автора.

Говоря о концертном исполнении “Риголетто”, можно сказать, что именно он, дирижер, стал центральной фигурой премьеры. Он создал страстное, эмоционально-яркое и философски глубокое звучащее полотно. Глубокий интерес к шедевру итальянской классики выразился и в тончайшей проработке, “ретуши” оркестровых партий и в стремлении вернуть первозданную свежесть звучания, открыть в музыке оперы все заложенные в ней красоты. Каждое мгновение наполнено жизнью, интенсивность музыкального потока не ослабевает ни на минуту, из самых, казалось бы, “проходных” эпизодов он добывает нужное созвучие. Во всем ощущается бережное отношение к композиторскому замыслу, стремление воплотить его с предельной простотой. Исполняемая музыка пленяет цельностью замысла и тем лаконизмом, которые редки в других операх Верди. Она великолепна по красоте, выразительности и обилии прекрасных запоминающихся мелодий, по силе и правдивости в передаче чувств.

Первый день премьеры прошел с участием итальянского баритона Джампиеро Ручера в партии Риголетто и прекрасного тенора Липарита Аветисяна в партии герцога Мантуи. К сожалению, побывать на этом концерте мне не посчастливилось, но, по откликам слушателей, премьера прошла блестяще.

НА ВТОРОМ КОНЦЕРТЕ В РОЛИ ГЛАВНОГО ГЕРОЯ ВЫСТУПИЛ ИЗВЕСТНЫЙ БАРИТОН ДАВИД БАБАЯНЦ, пение и игра которого оставили приятное впечатление. Он точно знает свои вокальные и актерские возможности, владеет ими, умеет максимально подчинить их художественной задаче. В партии Риголетто он абсолютный лидер. Он не суетится на сцене, не забывает о главном – о том, что движение дают сама музыка, богатство настроений, смена эмоциональных состояний героя. Как сложна, безмерно трудна для исполнителя та картина в опере, где перед нами во всей многомерной мрачности раскручивается душевный мир шута Риголетто. Встреча Риголетто с придворными – один из наиболее трагических эпизодов в опере и в то же время это важнейший момент в раскрытии его характера. Глубочайшее горе звучит в песенке страдающего шута: “Ля-ра, ля-ра”. Сквозь напускное равнодушие слышны затаенная боль и тревога. Гнев и ненависть, переходящие в страстные жалобы, слышны в арии монолога “Куртизаны, исчадие порока”, исполненном Д.Бабаянцем с подлинным драматическим мастерством, вызвавшим шквал аплодисментов. Несомненно, что живые позы, жесты и свобода, с какой он держался на сцене, были импровизацией. На наш взгляд, именно он создал по-настоящему вердиевский образ. С истинным драматизмом и пластической выразительностью он исполнил все свои арии, подчеркивая суть происходящего на сцене. Шут Риголетто, издевающийся над горем Монтероне (его образ дан в блестящем воплощении молодого баса Саркиса Бажбеук-Меликяна), чью дочь обесчестил герцог, испытывает то же отчаяние, что и осмеянный им старик Монтероне. Риголетто-шут превращается в страдающего отца.

В партии дочери Риголетто Джильды выступила замечательная певица – сопрано Асмик Торосян. Ее образ тоже дан в развитии, в движении. Не очень удачным был любовный дуэт Джильды и герцога: в роли герцога в этот день выступил заболевший тенор из Мариинского театра Ильгам Валиев. Голос певца то и дело срывался, что сказалось на всей его партии. Но зал с пониманием отнесся к происходящему: актерам тоже ничто человеческое не чуждо.

Волнующе прозвучала прекрасная ария Джильды, когда, оставшись одна, она предается охватившему ее чувству. Ее сердце полно светлых надежд, доверия и любви. Свидетельством тому – исполненная Торосян ария “Сердце радости полно”. В ее исполнении порадовало ясное стремление к целостному решению образа, хорошо найденный от начала до конца выдержанный стиль интонирования, благородная пластика движений.

Чудесно справилась с ролью Маддалены Нарине Ананикян (меццо сопрано). И зал высоко оценил ее исполнение. Образ получился живым, выпуклым. И еще одно: у этой певицы чувствуется живое ощущение партнера – качество, которого иногда не хватает некоторым другим певцам, слишком уж жестко привязанным к дирижерской палочке.

ЯРКИЕ, ВРЕЗАЮЩИЕСЯ В ПАМЯТЬ МЕЛОДИИ В ЭТОЙ ОПЕРЕ приобретают особую выразительность. Именно с помощью чрезвычайно ярких мелодий автор оперы создал характеристики всех, даже второстепенных действующих лиц. Свою музыкальную речь имеет и разбойник Спарафучилле в великолепном исполнении Сурена Шахинджаняна, и проклинающий герцога Монтероне (Саркис Бажбеук-Меликян) Марулло (Гагик Варданян, баритон), Матео Борса (Артак Меликян, тенор), граф Чепрано (Погос Беазбекян, бас), графиня Чепрано (сопрано Сильва Петросян), Джованна (меццо-сопрано Мариам Алоян).

На такой высокой ноте завершился фестиваль, который      проходил под патронатом первой леди Риты Саргсян. Более месяца мы были во власти невероятной слитности и яркости звучания всех роскошных артистических сил. Такие вливания музыки нам необходимы, ибо в том, что мы услышали, было столько жизненной энергии, радости, света! Примечательно, что и наш оркестр благодаря своему замечательному фестивалю давно уже вышел на новый уровень музыкальной мысли. Музыкальному фестивалю новой волны удалось достойно поддержать репутацию одного из серьезных в республике форумов и занять свое особое место в сердцах любителей музыки Армении и гостей столицы.

Благодаря организаторам фестиваля – главному дирижеру филармонического оркестра Эдуарду Топчяну и нашему соотечественнику, известному во всем мире виолончелисту Александру Чаушяну – ежегодно каждую осень в течение десяти лет у нас устраиваются такие праздники музыки, которые оставляют незабываемый след в душах тысяч слушателей. Очевидно, именно такие концерты с присутствием звезд экстра-класса вызывают неповторимый духовный подъем, радостное общение исполнителей и слушателей. Только музыка – благородная и могучая, прекрасная в своей душевной радости и чистоте – была единственным центром притяжения для слушателей. “Если есть рай на земле, то это пространство классической музыки”. Так мог сказать каждый из посетителей этого фестиваля на протяжении всех этих нелегких десяти лет. Спасибо его организаторам.

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Ֆիլհարմոնիկի «Ռիգոլետոն»՝ ռեժիսորի պատրաստած խամաճիկներով

November 18th, 2016
by
under Հայերեն հոդվածներ.
No Comments.

Օրերս Էդուարդ Թոփչյանի ղեկավարությամբ Հայաստանի ազգային ֆիլհարմոնիկ նվագախումբը Սուքիաս Թորոսյանի ռեժիսուրայով կրկին անդրադարձավ Վերդիի «Ռիգոլետո» օպերային, այս անգամ՝ համերգային թատերականացված ներկայացմամբ: Հիշեցնենք, որ 2009թ. այս օպերան ներկայացվել է Ազգային օպերային թատրոնում: Համերգային թատերականացված ներկայացմանը մասնակցեցին Հովհաննես Չեքիջյանի ղեկավարած Հայաստանի ազգային ակադեմիական երգչախմբի արական կազմը, տենոր Լիպարիտ Ավետիսյանը (Հերցոգ), սոպրանո Հասմիկ Թորոսյանը (Ջիլդա), բաս Սուրեն Շահիջանյանը (Սպարաֆուչիլե), մեցցո սոպրանո Նարինե Անանիկյանը (Մադալենա), մեցցո սոպրանո Մարիամ Ալոյանը (Ջովաննա), բաս Ռիչարդ Մադլենյանը (Մոնտերոն), բարիտոն Գագիկ Վարդանյանը (Մարուլլո), բաս Պողոս Բիազբեկյանը (Չեպրանո), սոպրանո Սիլվա Պետրոսյանը (Կոմսուհի): Ռիգոլետտոյի դերերգով առաջին անգամ հայ հանդիսատեսին ներկայացավ իտալացի բարիտոն Ջանպիերո Ռուջերին: Իտալացի երգչին, որը «Առավոտի» հետ զրույցում ասաց, թե չի հիշում որերորդ անգամ է հանդես գալիս Ռիգոլետոյի դերերգով, ներկայացնելու հարկ չկա, թեկուզ հենց այն պատճառով, որ նա իտալացի է ու կատարում է համերկրացու ստեղծագործությունը: Ընդ որում, օպերային թատրոնի մեներգիչներին էլ, որոնք հրավիրված էին այլ դերերգերի կատարման համար, նույնպես չենք ներկայացնի, նրանք քաջածանոթ են մեր հանդիսատեսին: Վերջինս հիանալի է ճանաչում նաեւ ֆրանսաբնակ Սուրեն Շահիջանյանին: Իսկ համերգային թատերականացված ներկայացման մասին համառոտ խոսելն անհրաժեշտ է: Ռիգոլետո՝ Ջանպիերո Ռուջերի:   Լիպարիտ Ավետիսյանը՝ Հերցոգ եւ Հասմիկ Թորոսյանը՝ Ջիլդա: Ռեժիսոր Սուքիաս Թորոսյանը, որը ֆիլհարմոնիկի հետ ժամանակին իրականացրել է համաշխարհային օպերային գրականության այլ գանձերից նույնպես, այս անգամ յուրատեսակ լուծում էր գտել: Ներկայացման հերոսները ներկայանում էին իրենց կերպարը բնութագրող խամաճիկներով, որոնք, պարզվեց, հենց ռեժիսորի ստեղծածն են: Մեկ կարեւոր հանգամանք եւս. ողջ ներկայացման ընթացքը միաժամանակ ցուցադրվում էր էկրանին: Ինչու ենք սա կարեւորում: Որովհետեւ ամֆիթատրոնում, աջ ու ձախ օթյակներում եւ թատերահարթակում գտնվող հանդիսատեսը էկրանի միջոցով հետևում էր նաեւ ցանկացած մանրուքի՝ սկսած հենց մեներգիչների դիմախաղից: Իր նվագախմբով շուրջ 15 տարի եւ ուղիղ 15 տարբեր օպերաներ ղեկավարած դիրիժոր Էդուարդ Թոփչյանը, բնականաբար, իր տարերքի մեջ էր: Նա «ընկել» էր դրամատիզմով, վառ կոնտրաստներով եւ հոգեբանական խոր ապրումներով Վերդիի երաժշտության գիրկը: Օպերասեր դիրիժորին հարց ուղղեցինք՝ արտասահմանում ի՞նչ օպերաներ է ղեկավարել: «Շատ…«Դոն Ժուան», «Պիկովայա Դամա», «Կախարդական սրինգը», «Տուրանդոտ», «Տոսկա» եւ այլն»,-նշեց դիրիժորը: Հավելեց նաեւ, թե այժմ բարիդրացիական- ստեղծագործական հիանալի հարաբերություններ է հաստատել օպերային թատրոնի տնօրենի եւ մշակույթի նորանշանակ նախարարի հետ, ինչից կարելի է ակնկալել, որ այսուհետ ֆիլհարմոնիկի օպերային նախագծերը կբեմադրվեն թատրոնում: Իսկ Ազգային օպերային թատրոնում «Ռիգոլետոն» առաջին անգամ բեմադրվել է 1937թ., բեմադրող դիրիժոր՝ Մ. Թավրիզյան, բեմադրող ռեժիսոր՝ Ի. Վոլչեկ: Վերդիի 28 օպերաներից մեր թատրոնի գործունեության ընթացքում բեմադրվել է 7-ը: Այսօր խաղացանկում են «Աիդան», «Տրուբադուրը», «Տրավիատան»: Ռեժիսոր Սուքիաս Թորոսյանը: Դիրիժոր Էդուարդ Թոփչյանը մեներգիչների հետ: 2013թ., երբ աշխարհը նշում էր Վերդիի ծննդյան 200-ամյակը, Կոմիտասի անվան պետական կոնսերվատորիայի վոկալ ամբիոնի պրոֆեսոր, երջանկահիշատակ Ռաֆայել Հակոբյանցը գործընկերների եւ ուսանողների ուժերով անցկացրեց «Վերդիանա» փառատոն, որի ընթացքում հնչեցին մեներգեր, դուետներ Վերդիի՝ ոչ միայն մեզ հայտնի օպերաներից, այլեւ այնպիսի գործերից, որոնք աշխարհում էլ քիչ են բեմադրվում, այդ թվում՝ «Էռնանի», «Լուիզա Միլեր», «Ֆալստաֆ»: Ընդ որում, Ռ. Հակոբյանցի մտահղացմամբ մեր օպերային թատրոնում 1988թ.՝ Վերդիի ծննդյան 175-ամյակի առիթով ներկայացվել էր «Վերդիանա» թատերականացված գալա համերգը, ներառված կոմպոզիտորի 14 օպերաներից:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer