Արվեստում ուղեկցելու արվեստ

Maria HovsepyanJanuary 13th, 2012
by
under Հայերեն հոդվածներ.
No Comments.

Կոմերցիոն հաջողության ոչ կոմերցիոն նպատակներն են բերում

Հին ֆրանսերենից management-ը «ուղեկցելու, ուղղություն տալու արվեստ» է թարգմանվում: Արտմենեջմենթն այս դեպքում ուղեկցություն է շուկայի հոգևոր հատվածում։ Ու եթե շուկայում առողջ մրցակցությունը սպառողի համար լավագույն արտադրանք ու ծառայություններ է խոստանում, ապա մշակույթի ու արվեստի դեպքում միանշանակ չէ, այստեղ դեռ պիտի կարողանալ տարբերել իրական լավն ու արժեքավորը:

Հայաստանում այսօր արտմենեջմենթն անհատների մենաշնորհն է, մեծ մասամբ՝ ոչ պրոֆեսիոնալների: Իրեն զգացնել է տալիս ոչ միայն ոլորտի մասնագետներ պատրաստող ուսումնական հաստատությունների պակասը։ Wise Businness ընկերության հիմնադիր, «Կոմիտաս» քառյակի մենեջեր Հայկ Վարդանյանի համոզմամբ՝ Երևանի թատրոնի և կինոյի պետական ինստիտուտի այն միակ ֆակուլտետը, որտեղ պրոդյուսերինգ է դասավանդվում, չի կարող արդյունավետ լինել: Հայկը համոզված է, որ ոչ թե արվեստագետները պետք է մենեջերներ դառնան, այլ տնտեսագիտական կրթություն ստացած մասնագետները պետք է զբաղվեն արտմենեջմենթով:

«Դասական երաժշտության ոլորտը մենեջերների համար դեռևս հրապուրիչ չէ, քանի որ ժամանակային և գումարային ներդրումը երկարաժամկետ հեռանկարում է դիտվում»,– ասում է Հայկ Վարդանյանը: Պատճառը երկրում շուկայի զարգացվածությունն է. մշակույթը, արվեստը քչերին է հետաքրքրում, մշակութային կյանքը կենտրոնացած է առավելապես մայրաքաղաքում, մարզերն ընդհանրապես դուրս են մղված մշակութային կյանքից։

Արման Պադարյանն ասպարեզում է 1995-ից: Նա աշխատել է Լորիս Ճգնավորյանի, «Հովեր» կամերային երգչախմբի, «Կոմիտաս» քառյակի, տարբեր ռոք խմբերի հետ, 2011-ից Հայաստանի պետական ֆիլհարմոնիկ նվագախմբի մենեջերն է: Արմանի կարծիքով՝ Հայաստանի պես փոքր երկրում արտմենեջմենթի հիմնական նպատակներից մեկը արտադրանքի, այսինքն՝ մշակույթի արտահանումը կարող է լինել՝ չնայած առկա բազմաթիվ խոչընդոտների։ «Մենք ներգրավված չենք միջազգային ինդուստրիալ համակարգում։ Sony music-ի պես խոշոր ընկերությունները հետաքրքրված չեն մեր նման փոքր երկրի հետ համագործակցությամբ։ Շատ դժվար է այստեղից ինչ-որ բան ներկայացնել և վաճառել: Մեր երաժիշտներին ավելի հեշտ է գնալ և տեղում իրենց հարցերը լուծել»,– ասում է Արմանը։

Հայկ Վարդանյանն էլ արտահանման մասին մտածելուց առաջ հորդորում է լայնածավալ նախապատրաստական աշխատանքներ տանել։ «Մինչև օրս ցածր է հայ արվեստագետների ներկայացվածության մակարդակը ինտերնետում, չկան, ասենք, որակյալ կատալոգներ, որտեղ ներկայացված կլինեն, օրինակ, հայ նկարիչները»,– ասում է Հայկը:

Արտմենեջմենթը յուրահատուկ ոլորտ է, այն պետք չէ շփոթել շոու-բիզնեսի հետ: Այստեղ առաքելությունը նաև ճաշակ ձևավորելն է, այլապես մշակույթն այդպես էլ շուկա չի ունենա։

Հեղ.` Մարիա Հովսեփյան

10 հունվար – 11:09 

http://orakarg.am/index.php/culture/74-opera-ballett-musical/2416-artmanagement.html

VN:F [1.9.20_1166]
Rating: 0.0/5 (0 votes cast)
VN:F [1.9.20_1166]
Rating: 0 (from 0 votes)

Tags:, .

spacer

Leave a Comment