Archive for 'Uncategorized'

Էդուարդ Թոփչյան. «Պենդերեցկու սիմֆոնիկ մտածողությունը, ստեղծագործության հնչողությունը շատ յուրահատուկ են»

February 19th, 2018
by
under Uncategorized, Հայերեն հոդվածներ.
No Comments.

Փետրվարի 13-ին Քշիշտոֆ Պենդերեցկու Ջութակի թիվ 2 «Մետամորֆոզներ» կոնցերտի (մենակատար՝ Մարթա Կովալչեկ) և Հինգերորդ «Կորեական» սիմֆոնիայի ներկայացմամբ մեկնարկեց Պենդերեցկու 85-ամյակին նվիրված փառատոնը։ «Արամ Խաչատրյան» համերգասրահի բեմում էր Հայաստանի ազգային ֆիլհարմոնիկ նվագախումբը՝ գեղարվեստական ղեկավար և գլխավոր դիրիժոր Էդուարդ Թոփչյանի ղեկավարությամբ։

Դիրիժոր Թոփչյանը նշեց, որ Պենդերեցկին 60-ական թվականներին էքսպերիմենտալ, սուպերնոր երաժշտություն էր գրում, սակայն հետագայում վերադարձավ ակադեմիական երաժշտություն։ «Այդ երաժշտությունն անգնահատելի է։ Պենդերեցկու նմանին ես չգիտեմ։ Այսօր շատ դժվար է երաժշտություն գրելը, նույնիսկ չեմ հավատում, որ Մոցարտի պես մեկը ծնվի ու շատ լավ երաժշտություն գրի, քանի որ բոլոր նոտաների հետ կարծես թե ամեն բան արված է։ Բայց կա Պենդերեցկին՝ հավասար աշխարհի ամենամեծերին, որը, իսկական երաժշտության վրա խաչ չքաշելով, հրաշալի արվեստ է ստեղծում: Նրա նման երկրորդին ես չեմ ճանաչում։ Նրա սիմֆոնիկ մտածողությունը, ստեղծագործության հնչողությունը շատ յուրահատուկ են»,- ասաց Էդուարդ Թոփչյանը։

Լեհ ջութակահար, միջազգային մրցույթների դափնեկիր Մարթա Կովալչեկը Հայաստանում ելույթ էր ունենում առաջին անգամ։ Ներկայացնելով իր տպավորությունները՝ ջութակահարուհին նշեց, որ երևանյան համերգը միշտ մնալու է իր հիշողության մեջ՝ հրաշալի նվագախմբի և ջերմ հանդիսատեսի շնորհիվ։ Նա հույս հայտնեց, որ իր համագործակցությունը ֆիլհարմոնիկ նվագախմբի հետ կշարունակվի։ Մարթա Կովալչեկը, անդրադառնալով Պենդերեցկու ստեղծագործություններին, նշեց, որ դրանք բարդ, բայց միևնույն ժամանակ շատ գեղեցիկ են, և իր համար մեծ պատիվ է կատարել Պենդերեցկու ստեղծագործությունները։

Պենդերեցկու 85-ամյակին նվիրված փառատոնն անցկացվում է ՀՀ Նախագահի տիկին Ռիտա Սարգսյանի հովանու ներքո։ Երաժշտական այս տոնը ՀՀ մշակույթի նախարարության աջակցությամբ կազմակերպել են Հայաստանի պետական սիմֆոնիկ նվագախումբը, Հայաստանի ազգային ֆիլհարմոնիկ նվագախումբը, «Երևանյան հեռանկարներ» միջազգային երաժշտական փառատոնը։

Առաջիկա օրերին` մինչև փետրվարի 17-ը, փառատոնի շրջանակներում սպասվում են ևս երեք համերգներ, որոնց ընթացքում կներկայացվեն Պենդերեցկու կամերային և սիմֆոնիկ գործերը։ Փետրվարի 15-ին Կոմիտասի անվան կամերային երաժշտության տանը կկայանա Քշիշտոֆ Պենդերեցկու երգչախմբային երաժշտության երեկո, փետրվարի 16-ին՝ Կոմիտասի թանգարան-ինստիտուտի համերգասրահում տեղի կունենա կամերային երաժշտության երեկո, իսկ փետրվարի 17-ին Պենդերեցկուն նվիրված փառատոնի փակման համերգն է. «Արամ Խաչատրյան» համերգասրահում Հայաստանի պետական սիմֆոնիկ նվագախումբը, Ալ. Սպենդիարյանի անվան օպերայի և բալետի ազգային ակադեմիական թատրոնի երգչախումբը, Հայաստանի պետական կամերային երգչախումբը, Երևանի պետական կամերային երգչախումբը կներկայացնեն Պենդերեցկու «Երուսաղեմի յոթ դարպասները» թիվ 7 սիմֆոնիան։

Մամուլի հաղորդագրություն

http://www.aravot.am/2018/02/14/937066/

VN:F [1.9.20_1166]
Rating: 0.0/5 (0 votes cast)
VN:F [1.9.20_1166]
Rating: 0 (from 0 votes)

spacer

ГРАНДИОЗНОЕ ПОСВЯЩЕНИЕ

January 9th, 2018
by
under Uncategorized, Статьи на русском.
No Comments.

ГРАНДИОЗНОЕ ПОСВЯЩЕНИЕ

“Реквием” Верди в Большом зале филармонии звучит не впервые. Его исполняли разные дирижеры и музыканты, и не только на этой сцене. Шедевр Верди звучит в самых престижных залах мира. Но классика есть классика, и одна из самых больших ее прелестей заключена как раз в том, что каждое поколение исполнителей прочитывает ее шедевры по-своему, давая нам дополнительные свидетельства того, что подлинно гениальное творение способно впитывать в себя последующий опыт человечества и открывать в нем что-то новое, какие-то особые, еще не замеченные сокровенные свойства.

КОНЦЕРТ БЫЛ ПОСВЯЩЕН ПАМЯТИ ЖЕРТВ ТРАГИЧЕСКОГО Спитакского землетрясения и Международному Дню памяти геноцида. Концертный зал филармонии был переполнен ереванцами и гостями столицы. В исполнении участвовали мощный хор – Национальная капелла Армении под управлением Ов.Чекиджяна, Филармонический оркестр под руководством Эд.Топчяна и солисты: лучшее сопрано Европы Эрика Гримальди (Италия), восходящая звезда из России меццо-сопрано Олеся Петрова, певец экстра-класса, ныне уверенно завоевывающий публику многих стран мира тенор Георгий Васильев и замечательный итальянец Роберто Скандиуцци (бас).

Кажется, никогда еще не приходилось слушать в этом зале столь мощное произведение в таком неординарном исполнении. Оркестр под управлением Эдуарда Топчяна продемонстрировал свои лучшие технические возможности – свободу владения материалом, сыгранность и хороший строй. В исполнении “Реквиема” особенно отчетливо проявились безупречное чувство формы, умение тонко сбалансировать динамические градации, четкость дирижерской концепции. Эдуард Топчян остается верен себе и в выборе солистов: приглашаются не те, кто уже попрощался с театральной карьерой, что нередко у нас бывает, а именно те, кто на данный момент находится в своей лучшей форме.

Исполнение отличалось масштабностью, драматизмом, стремлением выявить интонации Верди максимально полно. Эпизоды сумрачно-грозные удачно перемежались с лирически-скорбными и просветленно-сосредоточенными, повествующими о людском горе, о надеждах и мольбах человечества. Самое сложное в исполнении этого произведения – решить проблему необходимого равновесия вокального и инструментального начал партитуры из-за плотности и насыщенности оркестрового пласта. Это ведь не всегда удается. Во многом такое равновесие зависит от солистов, занятых в спектакле. Однако оркестру и дирижеру это удалось не только благодаря своему высокому профессионализму, но и отличной команде солистов – ярких, профессиональных певцов, обладающих прекрасными голосами богатого тембра. Не говоря уже о Национальной академической капелле Армении, способной украсить своим исполнением любой концерт.

ОЧЕНЬ ВАЖНА БЫЛА В “РЕКВИЕМЕ” БАСОВАЯ ПАРТИЯ. В карьере итальянского певца Роберто Скандиуцци Верди занимает важное место: не случайно его дебют на сцене начался с оперы “Симон Бокканегра”. А что касается “Реквиема”, то его партия здесь, по словам певца, “это как бы голос Бога”. Роберто Скандиуцци словно был коронован этим исполнением. Он стал безусловным лидером концерта. Отметим также, что певец в разное время выступал под управлением таких выдающихся дирижеров, как Рикардо Мути, Кладио Аббадо, Лорин Маазел, Валерий Гергиев и другие.

Отличное впечатление произвела и другая представительница Италии – сопрано Эрика Гримальди, окончившая Консерваторию Дж. Верди в Турине по классу фортепиано и вокалу. Победа на международном конкурсе Comunita Europa в Сполето (Италия) положила начало сотрудничеству с театром Реджио в Турине, где она дебютировала в партии Мими в “Богеме” Пуччини. Сейчас певица активно выступает на самых престижных сценах мира, участвует в фестивалях, а в этом году она успешно дебютировала в Большом театре России.

Участие Эрики Гримальди в концерте в Ереване стало подлинным триумфом певицы. С первой же ноты она приковала к себе внимание зала. Ее голос удивителен по мягкости, эластичности, чистоте тона. Верхние ноты звучат необычайно ярко, полетно, идеально, середина покоряет нежностью и теплом. Замечательны у певицы и “бесконечное дыхание”, красота и гибкость кантилены, широкие парящие фразы легато, виртуозная техника.

Успех в “Реквиеме” сопутствовал и певице из России Олесе Петровой. Она блистательно справилась с партией меццо-сопрано, вызвав восторженные овации слушателей. Имя певицы – выпускницы Санкт-Петербургской консерватории по классу Ирины Богачевой стало широко известно публике в 2011 году, когда она завоевала первую премию и приз зрительских симпатий на международном конкурсе вокалистов радио “Франс” в Париже, а также вышла в финал и стала лауреатом на международном конкурсе ВВС “Голоса мира”. Сейчас Олеся Петрова много работает за рубежом, является также солисткой Театра оперы и балета Санкт-Петербургской консерватории, является приглашенной солисткой Михайловского театра.

УДИВИТЕЛЬНО ЛЕГКО ПРЕОДОЛЕЛ СЕРЬЕЗНЫЕ ИСПОЛНИТЕЛЬСКИЕ ТРУДНОСТИ и другой солист из России, тенор Георгий Васильев, широко известный во многих театрах мира, и особенно в Европе – Германии, Франции, Голландии, Швеции. Его голос способен в одном звуке выразить страстность, мятежность. Кажется, нет ничего броского, эффектного в его пении, но значительность каждой фразы, его органичность, душевность таковы, что вызывают бесконечный восторг. Каждый звук окрашивается необходимыми оттенками переживаний. С 2009 года певец работает в театре “Новая опера”, дебютировал в партии Измаила в опере “Набукко” Верди, а с 2015 года является солистом Немецкой оперы на Рейне (Дюссельдорф). В качестве приглашенного солиста принимал участие в постановках разных театров, среди которых Большой театр России, Екатеринбургский театр оперы и балета, Сиднейский оперный театр (Австралия), Большой театр Женевы, Опера Лилля (Франция), Опера Пальм-Бич (США) и т.д. Он принимает активное участие и в фестивалях. В его репертуаре – ведущие теноровые партии.

И конечно, неизгладимое впечатление производят партии, исполненные хором, где эстетика и высокая техника исполнения явились настоящим откровением. И это несмотря на то, что мы не раз слушали “Реквием” в исполнении Национальной академической капеллы под управлением легендарного маэстро Ованеса Чекиджяна. Хор звучит мощно, интонационно чисто. В исполнении оркестра и хора удивительно мощно звучит центральное место в “Реквиеме” – Dies irae (“День гнева”), где с наибольшей силой проявляется основная идея произведения. Картина надвигающейся мировой катастрофы, грозные трубы ангелов, возвещающие последний день мира, образ неумолимого Судьи – все эти эпизоды, повествующие о гибели Вселенной, достаточно ярко воплощены оркестром и хором, с большим пафосом и глубиной. Технических трудностей вроде бы не существует для капеллы. Кажется, что только так, в этих ритмах, с этими интонациями и тембровой окраской и может быть исполнено это мощное семичастное произведение.

В исполнении “Реквиема” Верди нам явились сокровища тех традиций, которые достигнуты путем профессиональной дисциплины, таланта и кропотливой коллективной работы. Это образец творческой вдумчивой работы над трактовкой памятников мировой музыкальной культуры.

VN:F [1.9.20_1166]
Rating: 0.0/5 (0 votes cast)
VN:F [1.9.20_1166]
Rating: 0 (from 0 votes)

spacer

ՕՊԵՐԱՅԻՆ ԵՐԳՉՈՒՀԻՆ ՀԱՂԹԱՀԱՐԵԼ Է ՔԱՂՑԿԵՂԸ

Vlad MouradyanNovember 3rd, 2012
by
under Uncategorized, Հայերեն հոդվածներ.
No Comments.

Հայաստանի պետական ֆիլհարմոնիկ նվագախումբը շարունակում է իր 2012-2013 թվականների համերգաշրջանը: Երեկ, նոյեմբերի 2-ին, Արամ Խաչատրյան համերգասրահում, ՀՀ Առաջին տիկին Ռիտա Սարգսյանի բարձր հովանու ներքո կայացավ համերգ`աշխարհահռչակ երգչուհի ԱՐԱՔՍ ՄԱՆՍՈՒՐՅԱՆԻ (սոպրանո ) եւ ավստրալացի օպերային երգչուհի ԼԻԶԱ ԲԵԼԼԻ (սոպրանո ) մասնակցությամբ, ով ի դեպ, Ա. Մանսուրյանի ուսանողուհին է եղել:
Սա Լիզա Բելլի առաջին այցն է Հայաստան. <<Երազել եմ գալ Հայաստան ու տեսնել Արարատ լեռը>>,- բեմից ասաց երգչուհին` հավելով, որ, երբ Մանսուրյանն իրեն կոնյակ է նվիրել Արարատ անունով, անակնկալի է եկել: Բանն այն է, որ Լիզա Բելլը ծնվել է Արարատ անունով Ավստրալիայի Վիկտորիա նահանգի բնակավայրում:
Համերգի ընթացքում` մաեստրո Էդուարդ Թոփչյանի գլխավորությամբ հնչեցին
Պուչինի, Կաչինի, Մոցարտ, Դվորժակ, Դելիբ, Ռոսինի, Պորպորա, Բելինի, Կանաչյան, Կոմիտաս: Իսկ համերգի ավարտին`‎Ռիտա Սարգսյանի հեղինակած <<Հույսի նավակ>> կամ (<<Մենք արեւ ենք միասին>>) երգը:
Նշենք, որ համերգի ողջ հասույթը կտրամադրվի <<Նվիրիր կյանք>> բարեգործական հիմնադրամին: Ավստարալացի լայն ճանաչում ձեռք բերած երգչուհին, ինչպես պարզվեց, առողջական լուրջ խնդիրներ է ունեցել, սակայն կարողացել է հաղթահարել քաղցկեղը: Այս համերգով Լիզա Բելլը ցանկացել է օգնել քաղցկեղով եւ արյան հիվանդությամբ տառապող հայ մանուկներին: Ի դեպ, մինչ Հայաստան գալը օպերային երգչուհիները Լոս Անջելեսում ՀՀ գլխավոր հյուպատոսության նախաձեռնությամբ մասնակցել են բարեգործական համերգին:
Վ.ՄՈՒՐԱԴՅԱՆ

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: +1 (from 1 vote)

Tags:.

spacer

ԼԵԳՐԱՆԸ ՉԻ ՑԱՆԿԱՑԵԼ ՎԱՅՐ ԴՆԵԼ ԴԻՐԻԺՈՐԱԿԱՆ ՓԱՅՏԻԿԸ

Vlad MouradyanOctober 24th, 2012
by
under Uncategorized.
No Comments.

Կենդանի լեգենդ, աշխարհահռչակ կոմպոզիտոր ՄԻՇԵԼ ԼԵԳՐԱՆԸ Հայաստանում էր: Սա Լեգրանի երկրորդ այցն էր պատմական հայրենիք: Նա մեկ համերգով ներկայացավ ՙԱրամ Խաչատրյան՚ համերգասրահում` երեւանյան 6-րդ միջազգային փառատոնի շրջանակներում: Նշենք, որ 80-ամյա կոմպոզիտորին ուղեկցում էր նրա կյանքի անբաժան ընկերուհին, կինը` Քեթրին Միշելը, ով Փարիզի օպերային թատրոնի մենակատար տավղահարուհի է:

80-ամյակին նվիրված հոբելյանական համեգին Լեգրանը ոչ միայն դաշնամուրի, այլ նաեւ դիրիժորական վահանակի մոտ էր, ինչը շատերի համար անսպասելի էր: Նվագախմբին չափ տալու իր որոշման մասին Լեգրանը հայտնել էր փորձի հենց առաջին օրվա ընթացքում, բնականաբար, մաեստրոյի կամքը` դիրիժորական փայտիկը ձեռքից վայր չգցելը, ի կատար էր ածվել հրավիրող կազմի կողմից, սակայն բեմում տեղ-տեղ իրավիճակը փրկել է ֆիլհարմոնիկ նվագախմբի առաջին ջութակ Արամ Ասատրյանը: Որպես շնորհակալություն Լեգրանը մոտեցել ու ջերմ ողջագուրվել է ջութակահարի հետ:
Ի դեպ, Հայաստանի ֆիլհարմոնիկ նվագախումբը ունեցել է ընդամենը երկու փորձի հնարավորություն: Իսկ Լեգրանի համերգային ծրագիրը, ըստ երաժշտագետների, պահանջում է առնվազն 3-4 փորձ: Լեգրանի էստրադային, ջազային ստեղծագործությունների կատարումները բավականին բարդ են, անհրաժեշտ են պրոֆեսիոնալ հմտություններ, ինչն էլ մեկ անգամ եւս ցուցադրեց Էդուարդ Թոփչյանի ղեկավարած նվագախումբը, որի մասին Լեգրանը գոհունակությամբ խոսել է իր հայաստանյան հարցազրույցներում:
Նշենք, որ համերգի ընթացքում հնչեցվել է ՙԵրեք հրացանակիրներ՚, ՙՀակադրում՚, ՙՄեկ անգամ ամռանը՚, ՙԸնտանեկան ֆուգո՚, ՙՇերբուրգյան հովանոցներ՚, ՙԻմ սրտի հողմաղացները՚ եւ այլն:
Համերգի նախօրեին կոմպոզիտորը մասնակցեց հյուրանոցային համալիներից մեկում կազմակերպված մամլո ասուլիսին, շփվեց լրագրողների հետ: Նա, ի դեպ, հենց սկզբից ասաց, որ ծննդյան տոնակատարություններ նշելը իր բանը չէ:
Լեգենդար երաժիշտը նկատեց, որ տարիքը չի համարում իրեն զարդարող հանգամանք` հավելելով, որ չէր ցանկանա վերստին ապրել իր կյանքի որեւէ շրջան, քանի որ անցյալից չունի կախվածություն:
ՙԻրավունք՚-ի այն հարցին, թե ինչ է հարկավոր մաեստրոյին ստեղծագործելու համար, Լեգրանի պատասխանը հետեւյալն էր. ՙՍեր եւ կիրք՚:
Լրագրողներից մեկի հարցին էլ, թե ինչ է ցանկանում որպես նվեր Հայաստանից իր հետ տանել, Լեգրանն ասաց, որ կցանկանար Մարտիրոս Սարյանի կտավներից մեկը ունենալ իր տանը:
Ի դեպ, կոմպոզիտորը ասաց նաեւ, որ բուռն ստեղծագործական կյանքով է ապրում. ավարտել է իր առաջին բալետը, երաժշտական ֆիլմի նկարահանումները, իսկ օրեր առաջ` մինչ Երեւան գալը, համերգ է տվել Ճապոնիայում:
Համաձայն մեր ունեցած տեղեկությունների, Լեգրանը Հայաստան էր ժամանել առողջական որոշակի խնդիրներով: Այդ իսկ պատճառով որեւէ էքսկուրսիա նրա համար Հայաստանում չի կազմակերպվել:

ՎԼԱԴ ՄՈՒՐԱԴՅԱՆ

VN:F [1.9.20_1166]
Rating: 3.8/5 (3 votes cast)
VN:F [1.9.20_1166]
Rating: +1 (from 1 vote)

Tags:.

spacer

ՀԱՄԵՐԳ` ՆՎԻՐՎԱԾ ԱՆԿԱԽՈՒԹՅԱՆ ՏՈՆԻՆ

Vlad MouradyanSeptember 18th, 2012
by
under Uncategorized, Հայերեն հոդվածներ.
No Comments.
 Ինչպես <<Իրավունք>>-ին հայտնեցին Հայաստանի պետական ֆիլհարմոնիկ նվագախմբի  մամլո ծառայությունից, սեպտեմբերի 20-ին, Երեւանյան 6-րդ միջազգային երաժշտական փառատոնի շրջանակներում Արամ Խաչատրյան համերգասրահում կկայանա համերգ` նվիրված ՀՀ Անկախության 21-րդ տարեդարձին:
Ըստ հաղորդագրության, հոբելյանական համերգին կհնչեն Շոստակովիչ՝ Թավջութակի կոնցերտ թիվ 1, Վաչե Շարաֆյան՝ Լակրիմոսա` թավջութակի, երգչախմբի, սոպրանոյի եւ սիմֆոնիկ նվագախմբի համար, Լիստ՝ Դաշնամուրի կոնցերտ թիվ 1, Գլազունով՝ Ջութակի կոնցերտ, Ռավել՝ Վալս: Որպես մենակատարներ հանդես կգան Սուրեն Բագրատունին (թավջութակ, ԱՄՆ), Պոլինա Լեշչենկոն (դաշնամուր, Բելգիա), Բորիս Բրովցինը (ջութակ, Մեծ Բրիտանիա), Արծվիկ Դեմուրչյան (սոպրանո, Հայաստան):
Երեւանյան 6-րդ միջազգային երաժշտական փառատոնը մեկնարկել է սույն թվականի սեպտեմբերի 10-ին, եւ արդեն տեղի են ունեցել երեք համերգներ՝ հռչակավոր շեփորահար Սերգեյ Նակարյակովի, Ալեքսանդր Չաուշյանի, Բորոդինի անվան լարային քառյակի մասնակցությամբ:
Փառատոնի գեղարվեստական ղեկավարներն են Հայաստանի պետական ֆիլհարմոնիկ նվագախմբի գլխավոր դիրիժոր եւ գեղարվեստական ղեկավար Էդուարդ Թոփչյանն ու հայտնի թավջութակահար Ալեքսանդր Չաուշյանը:
Վ. ՄՈՒՐԱԴՅԱՆ
VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

Tags:.

spacer

ԵՐԵՎԱՆՈՒՄ ԷՐ ԲՈՐՈԴԻՆԻ ԱՆՎԱՆ ԼԱՐԱՅԻՆ ՔԱՌՅԱԿԸ

Vlad MouradyanSeptember 16th, 2012
by
under Uncategorized, Հայերեն հոդվածներ.
No Comments.

Սեպտեմբերի 14,15-ին Ա. Խաչատրյան համեգասրահում հռչակավոր Բորոդինի անվան լարային քառյակը հանդես եկավ սիմֆոնիկ եւ կամերային երաժշտության համերգներով: Սեպտեմբերի 14-ին քառյակը կատարեց Բեթհովեն, Շոստակովիչ, Էդվարդ Միրզոյան: Իսկ սեպտեմբերի 15-ին ներկայացվեց Լուիս Շպորի՝ լարային քառյակի եւ նվագախմբի համար կոնցերտը, Ռ.Կորսակովի հայտնի <<Շեհերզադե>> սիմֆոնիկ սյուիտը: Նշենք, որ համերգների դիրիժորն էր Էդուարդ Թոփչյանը:
Բորոդինի անվան լարային քառյակի ջութակահար ՍԵՐԳԵՅ ԼՈՄՈՎՍԿԻՆ <<Իրավունք>>-ի հետ զրույցում ասաց. << Սա մեր անդրանիկ համագործակցությունն էր Հայասատանի պետական ֆիլհարմոնիկ նվագախումբի հետ: Ամեն ինչ գերազանց անցավ: Հաճելի էր աշխատել մաեստրո Թոփչյանի հետ>>:
Լոմովսկին նաեւ նշեց, որ հայ հանդիսատեսը ջերմությամբ է ընդունել իրենց ելույթը:
Փաստենք, որ վերոնշյալ երկու համերգները նվիրված էին մեր հայրենակից, քառյակի առաջին ջութակ Ռուբեն Ահարոնյանի 65-ամյա հոբելյանին: Ռ.Ահարոնյանը պարգեւատրվեց ՀՀ Մշակույթի նախարարության Ոսկե մեդալով:
Հավելենք, որ Բորոդինի անվան լարային քառյակի համերգները Հայաստնաում ներկայացվել են Երեւանյան 6-րդ միջազգային երաժշտական փառատոնի շրջանակներում: Փառատոնի կազմակերպիչն է Հայաստանի պետական ֆիլհարմոնիկ նվագախումբը:
Բորոդինի անվան քառյակը ստեղծվել է 1945 թվականին Մոսկվայի կոնսերվատորիայի չորս ուսանողների նախաձեռնությամբ: Այսօր քառյակի կազմում հանդես են գալիս Ռուբեն Ահարոնյանը (1-ին ջութակ), Սերգեյ Լոմովսկի (2-րդ ջութակ), Իգոր Նայդինը (ալտ) եւ Վլադիմիր Բալշինը (թավջութակ):

ՎԼԱԴ ՄՈՒՐԱԴՅԱՆ

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

Tags:.

spacer

ՁԱՅՆԸ ԿՈՐՑՆԵԼՈՒ ՄՏԱՎԱԽՈՒԹՅՈՒՆ ՈՒՆԵՐ…

Vlad MouradyanJuly 10th, 2012
by
under Uncategorized, Հայերեն հոդվածներ.
No Comments.

 ՙԻրավունքը՚ տեղեկացրել էր, որ օրերս Հայաստանի պետական ֆիլհարմոնիկ նվագախումբը (ՀՊՖՆ)` Էդուարդ Թոփչյանի գլխավորությամբ, պատրաստվում էր ներկայացնել այս համերգաշրջանի ամենասպասված իրադարձություններից մեկը` Պուչինիի` ՙՏուրանդոտ՚ օպերայի համերգային կատարման պրեմիերան: Հայ հանդիսատեսի դատին այն հանձնվեց հուլիսի 3-ին եւ 6-ին: Հիշեցնենք, որ ՙՏուրանդոտը՚ առաջին անգամ հնչեցվեց Հայաստանում, եւ պրեմիերան բազմիցս ընդմիջվեց  ինքնաբուխ ծափահարություններով:

Համերգից հետո ՙԻրավունքը՚ զրուցեց Տուրանդոտի դերերգով հանդես եկող ՍԻՐԱՆՈՒՇ ԳԱՍՊԱՐՅԱՆԻ հետ: (more…)

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

Tags:, .

spacer

ՁԳՁԳՎԱԾ ՙՏՈՒՐԱՆԴՈՏԸ՚` ԱՌԱՋԻՆ ԱՆԳԱՄ

Vlad MouradyanJuly 3rd, 2012
by
under Uncategorized, Հայերեն հոդվածներ.
No Comments.

Հայաստանի պետական ֆիլհարմոնիկ նվագախումբը (ՀՊՖՆ)` Էդուարդ Թոփչյանի գլխավորությամբ, հուլիս 4-ին եւ  6-ին Արամ Խաչատրյան համերգասրահում կներկայացնի այս համերգաշրջանի, թերեւս, ամենասպասված իրադարձություններից մեկը` Ջակոմո Պուչինիի  ՙՏուրանդոտ՚ օպերայի համերգային կատարման պրեմիերան: (more…)

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

Tags:, .

spacer

ՆԻԿՈԼԱՅ ՄԱԴՈՅԱՆ. «ԲԵՄԻՑ ԵՐԲԵՎԷ ՉԵՄ ՎԱԽԵՑԵԼ…»

Vlad MouradyanMarch 16th, 2012
by
under Uncategorized, Հայերեն հոդվածներ.
No Comments.

Այս տաղանդավոր երիտասարդը երաժշտական փայլուն կրթություն է ստացել` ուսում առնելով հայտնի երաժշտներ Հ.Բոգդանյանի, Զ.Բրոնի, Ի.Ստեռնի, Մ.Սոլովյովի ղեկավարությամբ: Համերգներ է ունեցել աշխարհահռչակ դիրիժորների եւ լավագույն սիմֆոնիկ նվագախմբերի հետ (Կ.Աբբադո, Վ.Գերգիեւ, Ա.Կաց եւ այլք), հանդես է եկել հայտնի համերգասրահներում` Tivoli, Concertgebouw, Royal Festival, Giuseppe Verdi թատրոն, Մոսկվայի կոնսերվատորիայի մեծ դահլիճ և այլուր:

Միջազգային մրցույթների դափնեկիր, ջութակահար Նիկոլայ Մադոյանը պարբերաբար համերգներ է տալիս նաեւ Հայաստանում: Վերջերս էլ որպես մենակատար հրավիրված էր Երեւան‘ Հայաստանի պետական ֆիլհարմոնիկ նվագախմբի հետ ներկայացնելու Պագանինիի Ջութակի 3-րդ կոնցերտը (դիրիժոր` Վոլտե Ջոնգի):

-Փաստորեն, երաժշտի ուղին սկսել եք Երեւանում:

-Այո, առաջին քայլերս արել եմ Ա.Գաբրիելյանի անվան երաժշտական դպրոցում: Այնուհետեւ տեղափոխվել եմ Պ.Չայկովսկու անվան երաժշտական դպրոց: Այնտեղ ինձ բախտ վիճակվեց սովորելու ճանաչված մանկավարժ Բոգդանյանի դասարանում: Դպրոցն ավարտելուց հետո Նովոսիբիրսկից հրավեր ստացա սովորելու Զախար Բրունոյի դասարանում: Ապա սկսվեցին համերգային շրջագայություններս:

-Ինչո՞ւ ընտրեցիք ջութակը:

-Մինչ ջութակի դասարան ընդունվելս փորձեցի դաշնամուրի դասարան ընդունվել, սակայն… ասացին, թե ընդունակություններս չեն ներում: Բայց եթե անկեղծ լինեմ, ապա պետք է ասեմ, որ ինձ միշտ էլ ձգել է ջութակը: Ծնվել-մեծացել եմ այնպիսի ընտանիքում, որտեղ բոլորն էլ սիրել¬գնահատել են դասական երաժշտությունը£ Պապս օպերայի սիրահար էր: Կարելի է ասել, որ անգիր գիտեր օպերային գրեթե բոլոր հայտնի դերերգերը: Հավանաբար երաժշտության հանդեպ այս մեծ սերն ինձ գեներով է փոխանցվել: Մայրս էլ երաժշտական կրթություն ուներ: Հետ նայելով‘ միշտ շնորհակալությունս եմ ասում մորս, ում օգնությամբ ընտրեցի այս ճանապարհը, ուժերս ուղղորդվեցին այնտեղ, որտեղ կարողացա առավելագույնս դրսեւորվել:

-Բեմ բարձրանալիս չե՞ք հուզվում:

-Առանց հուզմունքի անհնար է, բայց ես ամեն ինչ անում եմ, որ այն նվագելիս ինձ չխանգարի: Բեմից երբեւէ չեմ վախեցել:

-Ձեզ ծանո՞թ է նախանձի զգացումը:

-Նախանձը‘ ոչ, բայց առողջ մրցակցությունն ինչ¬որ առումով խթան է, որ ստիպում է քեզ էլ գնահատել սեփական ուժերդ եւ կանգ չառնել, չբավարարվել ձեռք բերած արդյունքով: Իրականում դժվար է կողքից ինքդ քեզ վրա հայացք գցելը, ոչ կատարյալ կողմերդ տեսնելն ու գնահատելը:

-Այդ դեպքում ո՞վ է Ձեր քննադատը, ո՞ւմ կարծիքն է Ձեզ համար շատ կարեւոր:

-Իմ քննադատը առաջին հերթին ես եմ, ինքս ինձնից պետք է գոհ մնամ: Թանկ են ինձ համար մեծ երաժիշտների խոսքերը: Վերջերս կոմպոզիտոր Էդվարդ Միրզոյանն էր եկել համերգի եւ բարձր գնահատեց իմ կատարումը: Անչափ հաճելի էր: Նրա կարծիքն ինձ համար չափազանց թանկ է:

-Նիկոլայ, բարդ ստեղծագործություններ եք միշտ կատարում: Որքա՞ն ժամանակ է ձեզանից խլում երաժշտությունը:

-Առաջ ավելի շատ ժամանակ էի ծախսում երաժշտության վրա, այժմ`օրական մոտավորապես 5-6 ժամ, երբեմն‘ ավելի շատ: Ընդ որում, միշտ չէ, որ պետք է ֆիզիկապես մատներդ վարժեցնես, երբեմն կարելի է պարզապես նստել, ի մի բերել մտքերը: Կատարելու առումով թերեւս ամենադժվարը Պագանինիի երաժշտությունն է: Շատ էներգիա է խլում կատարողից: Ես նախընտրում եմ ամբողջական շարքեր ընդգրկող ծրագրեր, ինչպես, օրինակ, Բեթհովենի 10 սոնատները ջութակի եւ դաշնամուրի համար: (Նշենք, որ մեկ համերգի ընթացքում Նիկոլայ Մադոյանը կատարում է Պագանինիի 24 կապրիսները, Բախի մենանվագ սոնատները եւ պարտիտները, ջութակի եւ կլավիրի համար 6 սոնատները, ինչպես եւ Մենդելսոնի, Բրամսի, Գրիգի, Պրոկոֆեւի սոնատները.- Վ.Մ.):

-Ձեզ իսկապես կարելի է նախանձել: Բավական է միայն կարդալ այն պատկառելի դիրիժորների անունները, որոնց հետ համագործակցել եք: Ո՞ւմ հետ էր ավելի հետաքրքիր աշխատելը:

-Իսկապես, շատ ու շատ դիրիժորների հետ եմ աշխատել, ընդ որում` մեծանուն դիրիժորների: Անասելի ազդեցություն է թողել ինձ վրա Առնոլդ Կացը:

-Դուք Երեւանի կոնսերվատորիայի պատվավոր պրոֆեսոր եք, նշենք‘ ամենաերիտասարդ պրոֆեսորը, պարգեւատրվել եք ՀՀ մշակույթի նախարարության ոսկե մեդալով, ՙԵրեւանի զինանշան՚ հուշամեդալով, 2002-ին ստացել եք ՀՀ նախագահի մրցանակը, 2004-ին Ձեզ շնորհվել է ՀՀ վաստակավոր արտիստի կոչում:

-Շնորհակալ եմ, որ հայրենիքում ինձ գնահատում են: Արդեն 20 տարի ապրում եմ Գերմանիայում, բայց հաճախ եմ գալիս Երեւան: Դրսում էլ միշտ պրոպագանդում եմ հայ կոմպոզիտորներին‘ Բաբաջանյան, Խաչատրյան: Արտասահմանյան հանդիսականը նրանց ստեղծագործությունները ջերմորեն է ընդունում:

-Ձեր հարցազրույցներում միշտ խուսափում եք անձնական թեմայի շուրջ խոսելուց: Ինչո՞ւ:

-Չէ, նման բան չկա: Չեմ թաքցնում‘ ընկերուհի ունեմ:

-Եվ վերջին հարցը, երբ Ձեզ ծափահարում են` հավատո՞ւմ եք, որ հանդիսատեսը անկեղծ է: Ասում են` երբեմն դահլիճը տուրք է տալիս քաղաքավարությանը:

-Կարծում եմ` հանդիսականը ամենալավ բարոմետրն է: Ցանկանում եմ, որ հանդիսատեսը, դահլիճը միշտ էմոցիոնալ վերելք ապրի:

ՎԼԱԴ ՄՈՒՐԱԴՅԱՆ

Nikolay Madoyan – L.van Beethoven Sonata N7-Allegro con brio

VN:F [1.9.20_1166]
Rating: 5.0/5 (2 votes cast)
VN:F [1.9.20_1166]
Rating: 0 (from 0 votes)

Tags:, , .

spacer

ԹՈՓՉՅԱՆՆ ՈՒ ՁՄՌԱՆ ԱՆՈՒՐՋՆԵՐԸ

Vlad MouradyanJanuary 28th, 2012
by
under Uncategorized, Հայերեն հոդվածներ.
No Comments.

Հայաստանի պետական ֆիլհարմոնիկ  նվագախմբի (ՀՊՖՆ) գեղարվեստական ղեկավար եւ գլխավոր դիրիժոր Էդուարդ Թոփչյանը օրերս կայացած ասուլիսի ժամանակ լրագրողներին ներկայացրեց նվագախմբի առաջիկա  ծրագրերը: Էդուարդ Թոփչյանը վերջերս է վերադարձել Իսպանիայից, ուր հրավիրված էր` ղեկավարելու Տոլեդո քաղաքի նորաստեղծ սիմֆոնիկ նվագախմբի առաջին համերգը: Է. Թոփչյանն ընդգծեց, որ շարունակելու է ինտենսիվ աշխատանք ծավալել, ինչպես հայրենիքում, այնպես էլ Իսպանիայում: (more…)

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

Tags:, , .

spacer