Archive by Author

Երբ բեմում «դաշնամուրամարտ» է

October 5th, 2017
by
under Հայերեն հոդվածներ.
No Comments.

Արդյունքում շահում են հանդիսատեսն ու դասական երաժշտությունը
«Արամ Խաչատրյան» համերգասրահի բեմում վաղը թեժ է լինելու. Ռախմանինովն ընդդեմ Շոպենի, Մոցարտն ընդդեմ Վագների, Բեթհովենն ընդդեմ Սեն—Սանսի, եւ, իհարկե, Արամ Խաչատրյան…
Այդ օրը Հայաստանի ֆիլհարմոնիկ նվագախմբի նվագակցությամբ տեղի կունենա «դաշնամուրամարտ» գերմանացի դաշնակահարներ Պաուլ Ցիբիսի եւ Անդրեաս Քեռնի մասնակցությամբ։ «Դաշնամուրամարտ» նախագծի շրջանակներում հայ հանդիսատեսը ներկա կգտնվի համաշխարհային պրեմիերայի, քանի որ առաջին անգամ է, որ դաշնակահարներն իրենց մարտին մասնակից են դարձնելու նաեւ նվագախմբին եւ դիրիժոր Էդուարդ Թոփչյանին։ Ի դեպ, համագործակցության այսպիսի ձեւաչափի գաղափարը ծնունդ է առել դեռեւս 2014թ. նոյեմբերին՝ «Piano Battle»—ի առաջին երեւանյան համերգից հետո։
Ինչպես ցանկացած մարտում, այնպես էլ՝ այս դեպքում կլինի հաղթող եւ պարտվող։ Արդյունքները կորոշեն ունկնդիրները հատուկ քվեարկության միջոցով. բոլորը կունենան երկկողմանի՝ սեւ եւ սպիտակ քվեաթերթիկներ, որոնց միջոցով էլ ձայն կտան իրենց նախընտրած դաշնակահարին։
Այս տարի նշվում է Հայաստանի եւ Գերմանիայի միջեւ դիվանագիտական հարաբերությունների հաստատման 25—ամյակը։ ՀՀ—ում Գերմանիայի արտակարգ եւ լիազոր դեսպան Բերնհարդ Մաթիաս Քիսլերը երեկ հրավիրված ասուլիսի ժամանակ նշեց, որ «Դաշնամուրամարտը» լինելու է հոբելյանական տարվա ընթացքում իրականացված մեծածավալ եւ հետաքրքիր մշակութային միջոցառումների շարքի բարձրակետը։ «Միջազգային հարթակում կայացած եւ ճանաչված երկու դաշնակահարները ելույթ կունենան Երեւանի պահանջկոտ հանդիսատեսի առջեւ։ Նրանք բեմում լինելու են մրցակիցներ, իսկ թե ով է հաղթելու, կորոշի հայ հանդիսատեսը»,–ընդգծեց բարձրաստիճան դիվանագետը՝ հիշեցնելով, որ նման ձեւաչափով երեք տարի առաջ տեղի ունեցած համերգը կազմակերպվել էր բրիտանական կողմի հետ միասին։ Մ. Քիսլերը նկատեց, որ Հայաստանի ֆիլհարմոնիկ նվագախմբի հետ առաջին անգամ չէ, որ համագործակցում են, եւ այս ձեւաչափով համերգի գաղափարը նույնպես մեծ ոգեւորությամբ է ընդունվել։ «Երեւանյան 11—րդ միջազգային երաժշտական փառատոնը հրաշալի երաժշտություն է մատուցում, բայց այս մեկն առանձնահատուկ է լինելու»,–վստահեցրեց նա։
Դաշնակահար Պաուլ Ցիբիսը եւ Անդրեաս Քեռնը հիմնականում նվագում են դասական երաժշտություն։ Դասական երաժշտության համերգի ժամանակ շոուի բաղադրիչներ ներմուծելով՝ նրանք փորձում են ավելի հրապուրիչ եւ հեշտ ընկալելի դարձնել դասական երաժշտությունը, քանի որ, Ա. Քեռնի կարծիքով, խնդիրը ոչ թե դասական երաժշտությունը ընկալելու դժվարությունն է, այլ մատուցման ձեւաչափը։ Արդյունքում 2009 թվականին բավականին ինքնաբուխ ձեւով ծնվեց «Piano battle»—ի գաղափարը։ Եթե սկզբում նրանք «մենամարտում» էին, ապա երկու տարի առաջ գաղափարը զարգացրին եւ որոշեցին, որ յուրաքանչյուր մրցափուլից հետո հաղթողին կարելի է հնարավորություն տալ հաջորդ կատարման ժամանակ ներգրավելու տարբեր գործիքային խմբեր որպես «զինատեսակներ»։
«Տարվա ընթացքում հանդես ենք գալիս մոտ 50 համերգներով։ Այսօր հաճույքով կրկին գտնվում ենք Հայաստանում, քանի որ նախորդ անգամ այն զգացողությունն ենք ունեցել, որ հայերը շատ են սիրում դասական երաժշտություն, եւ ձեր մեջ գնահատանքի զգացում կա դասական երաժշտության հանդեպ։ Այդ ամենը ոգեշնչել է մեզ կրկին վերադառնալու եւ հանդես գալու հայկական բեմում»,– ասաց դաշնակահարը։ Նշենք, որ ծրագրում ընդգրկված են նաեւ Արամ Խաչատրյանի ստեղծագործություններից, որոնք ներկայացվելու են տարբեր գործիքային մեկնաբանություններով։
Պաուլ Ցիբիսն էլ մանրամասնեց, որ երաժշտական մրցապայքարի ձեւաչափով ներկայացնելու են պատմություններ, որոնց մասնակից են դարձնելու նաեւ հանդիսատեսին։ «Ընդ որում, մենք ոչ միայն ձգտելու են նվաճել հանդիսատեսին եւ ստանալ արձագանքներ, այլեւ ստացած ազդակների հիման վրա զարգացնելու ենք հետագա երաժշտական մրցամարտը։ Մատուցելու ենք դասական երաժշտություն, որը պետք է լրջորեն մատուցվի եւ ընկալվի, բայց դրանք ընդմիջվելու են զվարճալի եւ աշխույժ իրադարձություններով»,–ասաց նա։
Համերգային ծրագիրը կազմելիս երաժիշտները հաշվի են առնում յուրաքանչյուր հյուրընկալ երկրի առանձնահատկությունները։ Խոսքը վերաբերում է ոչ թե դասականների ստեղծագործություններին, այլ երաժշտական կատարումների միջեւ եղած ընդմիջումներին, որոնք համեմված են հումորով եւ շոու ծրագրերին հատուկ այլ բաղադրիչներով։ Երեւանյան պրեմիերայի ժամանակ ներկայացվելու են հատվածներ դասականների հայտնի գործերից, քանի որ ձեւաչափը նոր է, եւ չեն ցանկացել ծանրաբեռնել հանդիսատեսին բարդ ստեղծագործություններով։ Այս նոր ձեւաչափով երկրորդ համերգը տեղի կունենա ԱՄՆ—ում։
Իսկ համերգի հումորային մասը կապահովի հաղորդավար Սերգեյ Սարգսյանը («ArmComedy»), ով նաեւ կփորձի որպես միջնորդ հանդես գալ երկու մրցակիցների միջեւ։ Նա նշեց, որ ծանոթացել է ծրագրին եւ հիացած է, թե որքան հավասարակշռված են մատուցված դասական երաժշտությունն ու խաղը։ «Մեծ բավականություն կստանան թե դասական երաժշտության երկրպագուները եւ թե լավ ժամանցի ակնկալիքով եկած հանդիսատեսը»,–ընդգծեց Ս. Սարգսյանը։
Համերգի կազմակերպիչները նշում են, որ համերգն ապահովված է նաեւ հետաքրքիր գունային եւ ձայնային լուծումներով։
Լուսինե ՄԽԻԹԱՐՅԱՆ
Հայաստանի հանրապետություն օրաթերթ
VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Խիտ գրաֆիկի մեջ անգամ Երևանի համար միշտ ժամանակ գտնում եմ. Ռուբեն Ահարոնյան

October 3rd, 2017
by
under Հայերեն հոդվածներ.
No Comments.

Հոբելյանական տոնակատարություններ նա չի սիրում: Ամենակարևորը նրա համար՝ լավ զգացողություն ունենալը և երաժշտությանը ծառայելն է:

Երևանյան 11-րդ միջազգային փառատոնի շրջանակում Արամ Խաչատրյան համերգասրահը հյուրընկալեց անվանի ջութակահարին և իր ղեկավարած Բորոդինի անվան լարային քառյակին: Համերգը նվիրվեց Ռուբեն Ահարոնյանին ծննդյան 70-ամյակին:

Լարային քառյակը համերգին կատարեց Շոստակովիչի թիվ 6 կվարտետը, որն իրենց ղեկավարի ամենից շատ սիրված գործերից է: Հնչեց նաև հազվադեպ հնչող Հուգո Վոլֆի սերենադը և Շուբերտի կվարտետը: Համերգի երկրորդ բաժնում Ռուբեն Ահարոնյանը հանդես եկավ որպես մենակատար ֆիլհարմոնիկ նվագախմբի հետ:

«Ես երբևէ չեմ կորցրել կապը Կոմիտասի անվան քառյակի հետ: Որդեգրել եմ այս քառյակի գեղարվեստական մոտեցումներն ու սկզբունքները»,- ասում է Ահարոնյանը:

Նրա համար Երևանը կա և մնում է սիրելի ու հարազատ քաղաք, ուր նա վերադառնում է ամեն տարի, եթե ոչ համերգով, ապա գոնե մի քանի օրով, ժամանակ գտնելով հյուրախաղերի և ձայնագրությունների իր խիտ գրաֆիկի արանքում:

VN:F [1.9.20_1166]
Rating: 0.0/5 (0 votes cast)
VN:F [1.9.20_1166]
Rating: 0 (from 0 votes)

spacer

Փառատոնը խոստանում է 12 բազմերանգ համերգներ

September 12th, 2017
by
under Հայերեն հոդվածներ.
No Comments.

Երևանյան 11-րդ միջազգային երաժշտական փառատոնը փորձում է փոքր բյուջեով բերել մեծ անուններ: Հայաստանի ազգային ֆիլհարմոնիկ նվագախմբի տնօրեն Ռուզաննա Սիրունյանի խոսքով՝ դա հաջողվում է փառատոնի  գեղարվեստական ղեկավարների՝ Ալեքսանդր Չաուշյանի և Էդուարդ Թոփչյանի միջազգային երաժշտական աշխարհում ունեցած մեծ կապերի շնորհիվ: Այսօր Երևանյան 11-րդ միջազգային երաժշտական փառատոնի բացման համերգին Արամ Խաչատրյան համերգասրահում ելույթ կունենան 15-ամյա դաշնակահար, ինչպես նրան անվանում են՝ «Ռուսական դաշնամուրային դպրոցի նորագույն ֆենոմեն» Ալեքսանդր Մալոֆեևը և իտալացի հանրահայտ կլառնետահար Ալեսանդրո Կարբոնարեն:

«Հրաշամանուկ Ալեքսանդրը երկրորդ անգամ է Հայաստանում: Նրա համերգային գրաֆիկը այնքան խիտ է, որ միայն մեկ օրով ենք կարողացել բերել», – ասում է տիկին Սիրունյանը:

«Հինգ տարեկանից եմ սկսել նվագել: Կարելի է ասել, որ կլարնետն իմ խաղալիքն էր: Իմ ընտանիքի անդամները ևս ոչ պոպուլյար գործիքների վրա էին նվագում»: Կլարնետահարն անցկացրել է նաև վարպետության դաս և նրա կարծիքով հիանալի և հեռանկարային երիտասարդ երաժիշտներ ունենք: Օգնելու է նրանց լավ գործիքներ ձեռք բերել և ցանկություն ունի մեկ անգամ ևս այցելել Հայաստան, ավելի երկար ժամանակով ու վարպետության դասերին ավելի շատ ժամանակ կտրամադրի, խոստացավ նա:

Սպասվում են 12 հետաքրքիր ու բազմերանգ համերգներ: Կազմակերպիչների խոսքով, Երևանյան 11-րդ միջազգային երաժշտական փառատոնը այս տարի կներկայացնի ոչ միայն զուտ դասական համերգներ, այլև առանձնահատուկ ծրագրեր: Հոկտեմբերի 6-ին երևանյան հանդիսատեսին սպասվում է «արգենտինական տանգոյի երեկո» բանդոնեոնահար Պաբլո Մարինետտիի հետ, իսկ հոկտեմբերի 12-ին գերմանացի երկու անվանի դաշնակահարներ «կմենամարտեն» բեմում: Կնշեն նաև Հովհաննես Այվազովսկու 200-ամյակը, Հոբելյանական համերգով կնշեն Ռուբեն Ահարոնյանի ծննդյան 70-ամյակը, որին ներկա է լինելու անվանի ջութակահարն ու իր ղեկավարած «Բորոդինի անվան կվարտետը: Հոբելյանական կլինի նաև փառատոնի փակման համերգը՝ նվիրված Օհան Դուրյանի 95-ամյակին:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

OPERA GALA TIME: ARMENIAN NATIONAL PHILHARMONIC ORCHESTRA UNDER EDUARD TOPCHJAN

August 11th, 2017
by
under English Articles.
No Comments.
The Armenian National Philharmonic Orchestra, performing at the Aram Khachaturian Concert Hall, under the baton and artistic direction of Maestro Eduard Topchjan, never ceases to impress its summer audiences with the exceptionally entertaining and high-quality performances given. Featuring baritone David Babayants, soprano Ani Yorentz, tenor Liparit Avetisyan, soprano Hasmik Torosyan, bass Vazgen Gazaryan, and baritone Gianpiero Ruggeri, the Opera Gala produced an unforgettable effect upon the audience.
The program included selections from Leoncavallo, Gounod, Tchaikovsky, Mascagni, Puccini, Verdi, Mozart, Rossini, and Donizetti.

Dresses by Gevorg and Vartan Tarloyan (on either edge)
Hasmik Torosyan (second from viewer’s right)
Ani Yorentz (second from viewer’s left)

The spectacular gala opened with Gianpiero Ruggeri’s stunning performanc of Si puo? Si puo? Signore! Signori!, Tonio’s prologue from Ruggero Leoncavallo’s Pagliacci. Not only was the actual content of Tonio’s Prologue an ideal stage-warming number, it also manifested Ruggeri’s intriguing acting and smooth vocal production.

Ani Yorentz

Next on the program was Ani Yorentz, performing O Dieu que de Bijoux from Charles Gounod’s Faust. Yorentz portrayed Marguerite’s innocent excitement caused by her newly found love and devilish jewelry acquired from a box in the garden, accompanying it with beautiful vocals, especially on the staccati notes.

Liparit Avetisyan

Liparit Avetisyan came on next with the famous aria of Lensky from Piotr Ilyich Tchaikovsky’s Eugene OneginKuda, Kuda, Kuda vi udalilis. In Pushkin’s novel in versepoor Lensky undergoes an existential crisis the evening before his duel with his best friend Onegin. The main topic of this existential crisis happens to be the charming, young Olga, who was also the cause of the dual in the first place. Avetisyan portrayed the troubled young Lensky with much heart, keeping the audience intrigued by his emotional intonations and dynamics.

Next up was Vazgen Gazaryan, performing Gremin’s aria from Eugene Onegin. The feel of this aria served as a great contrast to the previously sung Kuda, Kuda, Kuda vi udalilis. Gazaryan’s rich timbre of voice and crispy diction outlined the character of Tatiana’s enthralled by her charms husband.

Mascagni’s Intermezzo from Cavalleria Rusticana was performed next by the philharmonic orchestra, with long, soaring phrases and passionately executed dynamics.

David Babayants

David Babayants came onstage and performed Michele’s aria from Giocomo Puccini’s Il Tabarro. Babayants’ strong, penetrating voice carried through the concert hall and, in addition to his excellent vocal control, he exhibited the most rashest of emotions. (I would very much like to see Babayants as Puccini’s Scarpia!)

Gianpiero Ruggeri and Vazgen Gazaryan

The first half of the opera gala was concluded with a beautifully performed duet from Giuseppe Verdi’s Simon Boccanegra, Gianpiero Ruggeri as Simon Boccanegra and Vazgen Gazaryan as Fiesco. The dynamic duo excellently portrayed the stirring emotions and discomfort expressed in Verdi’s passionate music. Both singers were so much into their characters and the scene that the audience felt as if they, too, were participating actively in the reconciliation of Simon and Fiesco. Very moving performance that left the audience at the edge of their seats.

The second half of the Opera Gala began with the orchestra’s performance of Wolfgang Amadeus Mozart’s overture to Don Giovanni. The ominous opening chords shook the audience back to their senses and prepared them for the second half of the concert.

Vazgen Gazaryan came on next and performed Leporello’s hilariously cruel aria Madamina, il catalogo è questo from Mozart’s Don Giovanni. Gazaryan did a superb job at immediately catching the audience’s attention with his acute story telling and hand gesticulations. His voice portrayed all the various moods (I mean different women) that Mozart’s music implies. His artistic skills definitely came out the most in this number, as he added extra sounds like sighs and groans, but voi sapete quel che fa. Overall, very funny and Mozart-esque!

Hasmik Torosyan as Musetta from Puccini’s La Boheme

Hasmik Torosyan was next, performing È strano… A fors’é lui…Sempre libera from Giuseppe Verdi’s La Traviata. Torosyan’s extremely versatile voice was beautiful for Violetta’s Aria. Torosyan executed the coloratura runs with graceful ease, while still producing heavy and rich tones in sections where they were called for. This really helped Torosyan’s portrayal of the tormented Violetta, and the mixed feelings and illusions that she experiences in this aria.

After Torosyan’s awe-inspiring performance, the philharmonic orchestra performed Gioacchino Rossini’s overture to Il Barbiere di Siviglia. This performance served as a mood-switch, urging the audience to brighten up again after the exhilarating Verdi.

Gianpiero Ruggeri

Gianpiero Ruggeri came on next, for the last time that evening, to perform the all-time favorite Figaro’s Cavatina from Il Barbiere di Siviglia. Ruggeri came onstage after the music had already begun and mesmerized the audience with his energetic performance and excellent communication, both signature traits of Figaro! Throughout the performance, Ruggeri consistently pointed at various audience and orchestra members, and offered them a haircut. Ruggeri even had props hidden away in his pockets, which he revealed towards the middle of the performance.

Liparit Avestisyan then performed Nemorino’s morbid aria Una furtiva lagrima from Gaetano Donizetti’s L’Elisir d’amore. An exquisite masterpiece in itself, Nemorino’s Romance never fails to bring tears into the listener’s eyes, and Avestisyan’s earnest performance did just that.

Liparit Avetisyan, Maestro Eduard Topchjan,
and Ani Yorentz

The pseudo-last number on the program was Adina’s and Nemorino’s  duet from L’Elisir d’amore, performed by Ani Yorentz and Liparit Avetisyan. The duet, funny and filled with unexpected violence, was hilariously put together. Yorentz as the enraged Adina and Avetisyan as the partially drunk and lovesick Nemorino concluded the official program with a strong bang, not with a whimper.

As an encore, Ani Yorentz and Liparit Avetisyan performed Merry Widow Waltz by Franz Lehàr. This duet was a beautiful conclusion to a lovely gala concert.

Please stay around for my article on La Boheme with the same beautiful cast, Eduard Topchjan conducting, and absolutely gorgeous constumes by designers Gevorg and Vartan Tarloyan!

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Պուչինիի «Բոհեմ»-ով ֆիլհարմոնիկ նվագախումբն ամփոփում է համերգաշրջանը

July 26th, 2017
by
under Հայերեն հոդվածներ.
No Comments.

Հայաստանի ազգային ֆիլհարմոնիկ նվագախումբը 2016-2017թթ. համերգաշրջանն ամփոփում է Ջակոմո Պուչինիի «Բոհեմ» օպերայով: Առհասարակ համերգաշրջանը բավական հագեցած էր: Առնո Բաբաջանյանի «Սիրված երգերից» մինչև «Քեզ համար, Ազնավուր» համերգներ, բարեգործական համերգ` նվիրված ապրիլյան պատերազմի բոլոր հերոսներին: Մայիսի 6-ին էլ Եվրամիության պատվիրակության հետ համատեղ կազմակերպվեց «Եվրոպան հանուն խաղաղության» նախագիծը: Համերգաշրջանը հագեցած էր նաև մշակույթի նախարարության  «Մշակութային կանգառ» նախաձեռնության համերգներով:

Հայաստանի ազգային ֆիլհարմոնիկ նվագախումբն ամփոփում է 2016-2017թթ. համերգաշրջանը: Տարեսկզբից սկսած՝ համերգաշարը հագեցած էր հետաքրքիր նախագծերով, որոնցից առաջինը թերևս Առնո Բաբաջանյանի «Սիրված երգերի» երեկոն էր, որին մասնակցեցին օպերային և էստրադային լավագույն հայ կատարողները: Վերջիններիս՝ ֆիլհարմոնիկ նվագախմբի հետ ելույթ ունենալու հաջորդ առիթն էլ հունիսի 1-ին և 2-ին կայացած  «Քեզ համար, Ազնավուր» համերգներն էին: Ապրիլի 10-ի բարեգործական համերգը նվիրված էր ապրիլյան պատերազմի բոլոր հերոսներին: Համերգաշրջանի եզրափակիչ համերգները տեղի կունենան հուլիս 24-ին և 26-ին:

Օպերային 5 հանրահայտ մեներգիչներ՝ բարիտոն Ջանպիերո Ռուջջերին, սոպրանո Անի Յորենցը, բաս Վազգեն Գազարյանը, տենորներ Լիպարիտ Ավետիսյանն ու Դավիթ Բաբայանցը ֆիլհարմոնիկ նվագախմբի հետ կկատարեն հայտնի արիաներ տարբեր օպերաներից երկուշաբթի օրը: Իսկ 2 օր անց՝ հուլիսի 26-ին՝ նշված մեներգիչներին կմիանան ևս մի քանիսը և մաեստրո Էդուարդ Թոփչյանի ղեկավարությամբ կներկայացնեն Ջակոմո Պուչինիի «Բոհեմ» օպերան՝ բոլորովին նոր բեմականացմամբ: Ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանը բավականին մեծ սպասելիքներ ունի նոր «Բոհեմից»:

Մեներգիչները կկրեն ֆրանսաբնակ մոդելավորողներ Վարդան և Գևորգ Թառլոյանների տրամադրած շքեղ հագուստները: Բեմականացման ռեժիսորն է Սուքիաս Թորոսյանը:

Հայերենին չտիրապետելով՝ իտալացի բարիտոն Ջանպիերո Ռուջջերին փորձերի ընթացքում առանց թարգմանության է աշխատել ռեժիսոր Սուքիաս Թորոսյանի հետ: Այն ամենն, ինչ ասում էր Սուքիասը, չի թարգմանվել ինձ համար, բայց ես այդ ամենը հասկանում էի, քանի որ նա ինձ հետ խոսում էր արվեստի լեզվով՝ անկեղծացավ բարիտոնը:

«Բոհեմն այս անգամ իսկապես շատ յուրահատուկ է ստացվել, քանի որ շատ փոքր տարածության վրա պետք է ներկայացնենք: Շատ հաճելի է նաև նման կոստյումներով հանդես գալ և մեկ բեմում աշխատել հիանալի կոլեգաների հետ: Մեծ անհամբերությամբ եմ սպասում նաև մեր գալա համերգին»:

Հայրենիքում ելույթ ունենալը մեծ պատիվ է նաև գերմանաբնակ սոպրանո Անի Յորենցի համար: Եթե նրա անցյալ տարվա բեմական հագուստից բեմադրության ռժիսորը դժգոհ էր, ապա այս տարվա ներկայացման կոստյումները յուրահատուկ են ընտրված: 19-րդ դարի շունչը փոխանցող հագուստներն էլ ավելի կատարյալ կդարձնեն «Բոհեմը»: Բոհեմյան մթնոլորտ կտիրի նաև ներկայացումից առաջ: Թառլոյան եղբայրեների հագուստներով մանեկենները կշրջեն նախասրահում ու կդիմավորեն հյուրերին:

 
VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

«Ամեն» բեմադրության առանցքում «ազգային ինքնաճանաչողության խնդիրն է»

June 23rd, 2017
by
under Հայերեն հոդվածներ.
No Comments.

Հունիսի 23-ին մարզահամերգային համալիրում մեր հանդիսատեսին է ներկայացվում «Ամեն» երաժշտական դրամատիկ-էպիկական շոուն, որին մասնակցում են մեր լավագույն օպերային երգիչները, Հայաստանի ազգային ֆիլհարմոնիկ նվագախումբը՝ Էդուարդ Թոփչյանի ղեկավարությամբ, «Հովեր» երգչախումբը, «Նարեկ» պարային համույթը, էստրադային և ջազ երաժիշտներից բաղկացած նվագախումբը, ազգագրական խմբեր և այլն:

Ներկայացման ստեղծագործական կազմը ներկայացմանն ընդառաջ լրագրողների հետ հանդիպման ժամանակ շեշտում էր, որ մեծ հաճույքով են աշխատել և հույս հայտնում, որ ներկայացումը շատ մեծ տպավորություն կթողնի թե՛ հայ, թե՛ արտասահմանցի հանդիսատեսի վրա:

Նախաքրիստոնեական ժամանակներից մինչև մեր օրերը հայ ժողովրդի պատմությունը ներակայացնող այս բեմադրության կոմպոզիտորը Արաքսյա Մուշեղյանն է: Նա շեշտում էր, որ գործընկերուհու՝ Հասմիկ Չախմախչյանի հետ նախաձեռնելով իրականացնել, բեմադրել նման ծավալի գործ, հավատացած էին, որ շատ աջակիցներ կունենան, քանի որ գործն ամբողջությամբ ներկայացնում է հայ ժողովրդին, հայ մարդուն, նրա դավանած արժեքները, սիրելու, ստեղծագործելու նրա կարողությունը՝ չնայած կորուստներին և ողբերգական փորձություններին․ – «Այս առաջին հայացքից խենթ նախագիծը մենք սկսեցինք, և մեր կողքին հայտնվեցին մարդիկ, որոնք մեր խենթությունը կիսեցին»:  Ահա նրանց անունները․ լիբրետտոյի հեղինակ Էդուարդ Այանյան, բեմադրող ռեժիսոր Գրիգոր Խաչատրյան, օպերային անվանի մենակատարներ Հրաչուհի Բասենց, Բարսեղ Թումանյան, Հասմիկ Թորոսյան, Ջուլիետ Գալստյան և ուրիշներ:

««Ամեն»-ը մի քիչ օպերա է, մի քիչ բալետի տարրեր ունի, ժամանակակից շոուի տարրեր, և այդ ամենը մենք փորձել ենք հարմոնիկ համատեղել», – ասաց Էդուարդ Այանյանը: – «Իսկ ինչ վերաբերում է բովանդակությունը, այն մեր մասին է: Հասկացանք, որ ուզում ենք խուսափել որոշ կոնկրետ բաներից և կենտրոնանալ մեր էության վրա, հայ ժողովրդի էության վրա: Մենք ո՞վ ենք, մենք ինչպիսի՞ն ենք: Մեր հոգեվիճակի վրա փորձեցինք կենտրոնանալ և պատմել ոչ թե պատմական կոնկրետ իրադարձությունների կամ պատմական կոնկրետ պերսոնաժների մասին, այլ որպես պերսոնաժ դիտում էինք հենց մեզ՝ հայ ժողովրդին: Եվ փորձեցինք հասկանալ, թե որն է այն առանցքը, այն ամենակարևորը, որ օգնում է մեզ գոյատևել, վերածնվել և ստեղծագործել: Դուք չեք տեսնի էնտեղ արքաներ, ծովից ծով հայաստաններ»:

«Ինքը տարբեր ժանրերի միքս ա՝ դասական երաժշտություն կա մեջը, և ինչ-որ տեղ ռոք կա, ր ինչ-որ տեղ փոփ կա, և ժողովրդական երաժշտության հիանալի կտորներ կան: Շատ հետաքրքիր է, շատ գեղեցիկ է, գունեղ է: Ես սիրով եմ անում», – նշեց Հայաստանի ֆիլհարմոնիկ նվագախմբի գեղարվեստական ղեկավար Էդվարդ Թոփչյանը:

Օպերային մեր լավագույն մեներգիչներից Բարսեղ Թումանյանը հավելեց․ – «Հիմնական գաղափարը կայանում է նրանում, որ ազգային ինքնաճանաչողության խնդիրն է դրվում: Եվ դրվում է մի շարժում, որը կունենա շարունակություն, պարտադիր կունենա, որովհետև այս ամենի կարիքը մենք վաղուց ունեցել ենք: Մարդը կարողանում է ինքնուրույն արտահայտվել միայն այն ժամանակ, երբ կարողանում է ճանաչել ինքն իրեն»:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Ազնավուրի ներկայությունը` «Քեզ համար, Ազնավուր» խորագրով համերգին

June 2nd, 2017
by
under Հայերեն հոդվածներ.
No Comments.

Ավելորդ է ասել, թե որքան անհամբերությամբ էին սպասել այս համերգին` աշխարհահռչակ շանսոնյեի երկրպագուները: Ասել է թե` ամեն մի հայ. նաև նրանք, ովքեր այս երեկո Ալ. Սպենդիարյանի անվան օպերայի և բալետի ազգային ակադեմիական թատրոնում անձամբ չէին վայելում մեր ազգային հպարտություն Շառլ Ազնավուրի ներկայությունը` «Քեզ համար, Ազնավուր» խորագրով համերգում: Համերգին ներկա էին նաև ՀՀ նախագահ Սերժ Սարգսյանը և առաջին տիկին Ռիտա Սարգսյանը:

Ինչպես ՀՀ մշակույթի նախարար Արմեն Ամիրյանն է նշել` հիրավի բացառիկ էր համերգային ծրագիրը. Ազնավուրի երգերը հնչում էին հայ երգիչների կատարմամբ` Հայաստանի ֆիլհարմոնիկ նվագախմբի նվագակցությամբ: Եթե հակիրճ` ապա Օպերային թատրոնում այս երեկոն երգարվեստի հրավառություն էր, տոն, որի պարգևած վայելքը դեռ երկար ջերմացելու է ներկաների հոգիները:

Համերգի ծրագիրն ինքնին խոսուն էր. 1988-ի աղետից հետո փլատակների մեջ կենդանության նշաններ որոնող հայաստանաբնակների նաև հոգիներն էին ավերակվում, երբ հանց հույսի մի շող ճառագեց Ազնավուրի «Քեզ համար, Հայաստան» երգը: Ու հիմա ծրագրի կազմակերպիչներն այդ ձոն-մաղթանքի ոգով մեր ժողովրդի երախտագիտությունն էին հղում ազգիս արժանի զավակին` նրա ծննդյան տոնի առիթով: Ասվածի վկայություններից մեկն էլ համերգի ավարտին բոլոր ներկաների ձայներով հնչած «Քեզ համար, Հայաստան» երգի կատարումն էր` բազում մաղթանքների, օրհնության և շնորհակալական խոսքերի փոխարեն:

Բեմահարթակից հնչում էին Շառլ Ազնավուրի երգերը, որոնց ներքո առնվազն երկու-երեք սերնդի գեղագիտական ճաշակն է հղկվել: Իսկ կատարողներին պատասխանատվությունից զատ նաև օրինական հպարտության և ազնավուրյան մեղեդին անսխալ հնչեցնելու երկչոտությունն էր համակել:  Պերճ Թուրաբյան,  Արման Նշանյան,   Արամո, Գոռ Սուջյան, Էմմա Պետրոսյան,  Տիգրան Պետրոսյան, Անդրե… Բոլորի անունները չես թվարկի: Ու, երևի, դա էական էլ չէ: Կարևորը այն մթնոլորտն էր, որ նաև իրենց` կատարողների շնորհիվ էր թանձրացել` որպես մաքրամաքուր երգարվեստի շքահանդես:

***

Ալեքսանդր Սպենդիարյանի անվան Օպերայի եւ բալետի ազգային ակադեմիական թատրոնի բեմում, Հայաստանի ազգային ֆիլհարմոնիկ նվագախմբի եւ էստրադային  ու օպերային երգիչների մասնակցությամբ հունիսի 1-ին տեղի ունեցավ աշխարհահռչակ շանսոնյե` Շառլ Ազնավուրին նվիրված համերգ:

Անվանի ֆրանսահայի երգերը ներկայացվեցին նոր մեկնաբանություններով: Համերգի զարդը, անկասկած, Հայաստանի ազգային ֆիլհարմոնիկ նվագախումբն էր ու մասնավորապես` դաշնակահար Կարեն Անանյանը:

Ազնավուրի երգերի նվագակցությունը Ֆիլհարմոնիկի կողմից կատարվեց աշխարհի լավագույն բեմերին արժանի մակարդակով: Դասական երաժիշտներով համալրված կոլեկտիվը գրեթե անթերի էր ջազ-էստրադային ոճում:

Համերգի ընթացքում հեռուստակամուրջ էր ստեղծվել Փարիզի հետ, իհարկե` ոչ ուղիղ: Մեծ էկրանից Ազնավուրին ողջունում էին նրա ընկերները, շնորհավորում ծննդյան օրվա առթիվ:

Բարձր մակարդակով հանդես եկան Սոնա Ռուբենյանը, Մաշա Մնջոյանը, օպերային արտիստներ Գուրգեն Բավեյանը, Արծվիկ Դեմուրճյանը, Սյուզի Մելքոնյանը, Նարինե Անանիկյանը, Ռեբեկա Դեմիրկյանը:

Երգերի մի մասը կատարվեց հայերեն՝ Պերճ Թուրաբյանի թարգմանությամբ:

Բեմում միակ «ֆրանսիացին» արտիստ Հայկ Պետրոսյանն էր, որին հանդիսատեսը ողողեց ծափահարություններով։ Այս համերգից հետո, կարելի է ասել, որ երբ Հայկը բեմում է, դերասան Վարդան Պետրոսյանի որդին լինելու հանգամանքն այլեւս միջնորդ չէ նրա ու հանդիսատեսի միջեւ։

Երիտասարդ արտիստը պարզապես փայլեց իր հումորով, Ազնավուրին նմանակելու տաղանդով։ Արտաքին գործերի նախարար Էդվարդ Նալբանդյանը նստած էր Ազնավուրի հարեւանությամբ եւ շանսոնյեի համար թարգմանում էր Հայկի խոսքերը:

Բարձրաստիճան պաշտոնատար այրերի՝ Սերժ Սարգսյանի, Գարեգին Բ կաթողիկոսի, ԱԺ նախագահ Արա Բաբլոյանի, ի վերջո՝ անվանի հռչակավոր շանսոնյեի ներկայությունը չկաշկանդեց Պետրոսյանին։ Բեմում նա էր գլխավորը։ Ավելին, մի պահ համերգը ձգվեց Պետրոսյան ընտանիքի հեղինակային երեկոյի նման․ մեծ էկրանին ցուցադրվեց երկու տեսանյութ Փարիզից: Մեկում` Վարդան Պետրոսյանը կիթառով կատարում էր Ազնավուրի երգերից մեկը, իսկ երկրորդում` հոր եւ որդու զուգերգն էր։

Համերգի ավարտին հանդիսատեսը շատ երկար ծափահարեց 93-ամյա Ազնավուրին, իսկ նա ամֆիթատրոնից օդի մեջ սրտեր էր պատկերում եւ ուղարկում դեպի հանդիսատեսը:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Նարեկ և Գայանե Հախնազարյանները հանդես կգան բարեգործական համերգով

May 1st, 2017
by
under Հայերեն հոդվածներ.
No Comments.

Մայիսի 5-ին Արամ Խաչատրյան համերգասրահում տեղի կունենա թավջութակահար Նարեկ Հախնազարյանի և դաշնակահար Գայանե Հախնազարյանի մենահամերգը։ Համերգի հասույթը կփոխանցվի Կոշի մանկական վերականգնողական կենտրոնին։

Համերգին ներկայացվելու է համաշխարհային պրեմիերա՝ Հայրապետյանի «Մենախոսություն» ստեղծագործությունը: Բարեգործական համերգի ծրագրում ներառված են նաև Բեթհովենի  «7 վարիացիաներ Մոցարտի թեմայով», Շումանի ֆանտաստիկական պիեսներ, Բաղդասարյանի  «Նոկտյուրն», Շոպենի «Նախանվագ և փայլուն պոլոնեզ», Մասնեի «Մտորում»,
Շոստակովիչի «Թավջութակի սոնատ» ստեղծագործությունները:

Կոշի մանկական վերականգնողական և ցերեկային խնամքի կենտրոնը հիմնադրվել է 2013 թ. հայազգի բարերար Ռազմիկ Թադևոսյանի կողմից: Այն իր ծառայություններն է տրամադրում ինչպես Արագածոտնի մարզի, այնպես էլ կենտրոնի հարակից 16 գյուղերից և քաղաքներից (մասնավորվերականգնման, մտավոր ունակությունների զարգացման, շրջապատող միջավայրում ադապտացման, հնարավորությունների առավելագույն մակարդակով դրսևորման, ինքնուրույնության ձեռքբերման ու ամրապնդման համար:ապես Արթիկից, Էջմիածնից, Թալինից, Աշտարակից և Գյումրիից) ժամանած հաշմանդամություն ունեցող այն երեխաներին, ովքեր իրենց առողջական լուրջ խնդիրների հետևանքով դուրս են մնացել կրթական կամ նախադպրոցական հաստատություններում ընդգրկվելու գործընթացից: Կենտրոնում աշխատում են բարձրակարգ և փորձառու մասնագետներ, ովքեր ջանք չեն խնայում երեխաների ֆիզիկական կարողությունների վերականգնման, մտավոր ունակությունների զարգացման, շրջապատող միջավայրում ադապտացման, հնարավորությունների առավելագույն մակարդակով դրսևորման, ինքնուրույնության ձեռքբերման ու ամրապնդման համար:

VN:F [1.9.20_1166]
Rating: 0.0/5 (0 votes cast)
VN:F [1.9.20_1166]
Rating: 0 (from 0 votes)

spacer

«Երդվում եմ քեզ, իմ երկիր». համերգ` ի խոնարհում ապրիլյան քառօրյա պատերազմի հերոսներին

April 10th, 2017
by
under Հայերեն հոդվածներ.
No Comments.

Հայաստանի ազգային ֆիլհարմոնիկ նվագախմբի, կոմպոզիտոր Ռոբերտ Ամիրխանյանի նախաձեռնությամբ և ՀՀ մշակույթի նախարարության աջակցությամբ ապրիլի 10-ին Արամ Խաչատրյան համերգասրահում տեղի ունեցավ «Երդվում եմ քեզ, իմ երկիր» խորագրով բարեգործական համերգը` ի խոնարհումն ապրիլյան պատերազմի բոլոր հերոսներին: Համերգի մասին ապրիլի 8-ին լրագրողների հետ հանդիպմանը խոսեցին ծրագրի նախաձեռնողները:

«Նման համերգ ես դեռ չեմ անցկացրել: Այս ծրագրում ներկայացնելու ենք ժողովրդի գրկի մեջ ապրող մարդու խոսքը:  Հնչելու են երգեր, որոնք հատուկ գրվել են այս ծրագրում հնչեցնելու համար»,- Արմենպրեսի հաղորդմամբ` նշեց կոմպոզիտոր Ռոբերտ Ամիրխանյանը:

Ըստ նրա` կյանքի շարժման մեխանիզմը հետևյալն է. «Եթե դու ունես գաղափար և մեծ ոգևորությամբ ցանկանում ես իրագործել այն, քեզ ոչ ոք չի կարող կանգնեցնել: Այս համերգը նման գաղափարի արդյունք կլինի, որի շուրջ մենք համախմբվել ու մի բռունցք ենք դարձել»:

Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր Էդուարդ Թոփչյանն ասաց, որ ուրախ է ծրագրի մի մասը լինել և շնորհակալ է բոլոր մասնակիցներին ու նախաձեռնողներին:   «Այսօր առաջին փորձն ենք արել, այն շատ լավ անցավ, բոլորս ոգևորված ենք ու հույս ունենք, որ մեր հերոսներին ու երկրին արժանի համերգ կիրականացնենք»,-շեշտեց նա:

Անցյալ տարի Հայաստանի ֆիլհարմոնիկ նվագախմբի և ՀՀ մշակույթի նախարարութան իրականացրած համերգներից հավաքված գումարը`   տասը միլիոն դրամ, 500 000-ական դրամով տրամադրվել է ապրիլյան պատերազմում զոհված զինվորների ընտանիքներին: Այս համերգից ստացված գումարը նույնպես նման նպատակի կծառայի:

Հնարավոր է, որ համերգային ծրագիրը բացօթյա բեմում ներկայացվի նաև Արցախում:

ՀՀ մշակույթի նախարարության աշխատակազմի ժամանակակից արվեստի վարչության պետ Արմենուհի Ղազարյանի խոսքով` երկրորդ տարին է, որ մշակույթի գործիչները համախմբվում են այսչափ կարևոր գաղափարի շուրջ և բարձրակարգ երաժշտության միջոցով ևս մեկ անգամ փորձում բարձրացնել ժողովրդի բարոյահոգեբանական  վիճակը:

Հայաստանի ֆիլհարմոնիկ նվագախմբի նվագակցությամբ, «Հովեր» պետական կամերային նվագախմբի և հայտնի օպերային ու էստրադային մեներգիչների կատարմամբ կհնչեն մաեստրո Ամիրխանյանի հայրենասիրական ստեղծագործությունները, այդ թվում հատուկ քառօրյա պատերազմի հերոսներին նվիրված «Վրեժն արդար կանչի» երգը: Երեկոն կվարի մաեստրո Ռոբերտ Ամիրխանյանը, համերգը կղեկավարի դիրիժոր Էդուարդ Թոփչյանը: Մենակատարներն են Գուրգեն Բավեյանը, Աննա Ավդալյանը, Էմմա Պետրոսյանը, Լեյլա Սարիբեկյանը, Վահե Հախվերդյանը:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer

Գրեմիակիր երաժիշտները ելույթ կունենան Ֆիլհարմոնիկի հետ

March 24th, 2017
by
under Հայերեն հոդվածներ.
No Comments.

2017թ-ի մարտի 26-ին կկայանա «Երեւանյան հեռանկարներ» միջազգային երաժշտական փառատոնի 18-րդ շրջանի բացումը: Մեկնարկը կտրվի լեգենդար ջութակահար, կրկնակի «Գրեմմի» մրցանակակիր Պինկաս Ցուկերմանի ելույթով: Երաժիշտը փառատոնի շրջանակներում Երեւանում հանդես է եկել «Ցուկերման Չեմբըր Փլեյրս» կամերային նվագախմբով եւ «Կամերատա Զալցբուրգ» նվագախմբի հետ: Երեւանում Պինկաս Ցուկերմանը հանդես կգա թավջութակահարուհի Ամանդա Ֆորսայթի եւ Հայաստանի ազգային ֆիլհարմոնիկ նվագախմբի հետ` դիրիժոր Էդուարդ Թոփչյանի ղեկավարությամբ, Արամ Խաչատրյան համերգասրահում: Ծրագրում` Բրամսի Կրկնակի կոնցերտն է` ջութակի եւ թավջութակի համար եւ թիվ 4 Սիմֆոնիան:

VN:F [1.9.20_1166]
Rating: 5.0/5 (1 vote cast)
VN:F [1.9.20_1166]
Rating: 0 (from 0 votes)

spacer